web counter
LEXO PA REKLAMA!

SHKARKO APP

App Store
Google Play

E fundit!

x

"Miqësi 'fake'"/ Arjan Çani flet pas largimit nga "TV Klan"

30 Nëntor 2022, 15:05, Lifestyle CNA

"Miqësi 'fake'"/ Arjan Çani flet pas largimit

Ndonëse pritej që këtë fillimsezoni emisioni “Zonë e Lirë” të fillonte në “ABC News”, autori dhe moderatori i programit, Arjan Çani, së fundmi ka deklaruar se “Fillon diku shumë shpejt”, por nuk ka dhënë detaje.

Në një interviste në “Natë me Aulonën”, Çani foli për largimin e tij nga “TV Klan”, ku prej vitesh ishte në transmetim çdo të premte.

Teksa moderatorja e cilësoi largimin e tij nga "Klani" si diçka tronditëse, Arjani vetë u shpreh se kjo nuk është diçka për t’u habitur.

 “'Zonë e Lirë' deri tani ka ndërruar tri televizione. Mund të kisha ikur edhe para tri vjetësh nga 'Klani', nuk është se ka ndonjë problem për mua. Ajo është një fëmija im ai emision, kudo që shkoj ai emision jam unë. Nuk ka rëndësi shumë kanali. Nuk duhet të jetë tronditëse. Asnjë nga ne nuk është i pazëvendësueshëm. Tregun kudo që e lë mbushet nga dikush tjetër, mbushet mirë apo keq kjo është një histori tjetër. E kam zgjetur këtë periudhë sepse kam pasur shumë oferta”- tha Arjani.

Më tej Arjani u pyet se përse u largua nga “TV Klan”, por gazetari nuk dha ndonjë arsye, duke treguar se me pronarët e kësaj medieje ruan një “miqësi fake”.

“Në përgjithësi nuk kam folur asnjëherë kur jam shkëputur nga një vend dhe kam shkuar diku tjetër, nuk kam folur asnjëherë se pse e kam bërë. Kur krijon një marrëdhënie me një kanal/person, kur nuk jam më nuk i marr nëpër gojë. Marrëdhëniet me ta janë shumë miqësore, janë arsye të dorës së tretë pse kam ikur. Ti Aulona më vjen mirë që je vetëm, ti je ndarë në mënyrë miqësore kurse unë e kam miqësi 'fake' (fallco)”- tha Arjani.

Sa u takon lajmeve se ai do të bëhet pjesë e “ABC News”, ose “Top Channel” ai u shpreh se ende është akoma në një fazë ku po shqyrton opsionet që ka.

“Kisha një kërkesë nga 'Topi', por nuk u bë. S’isha unë i bindur. Tani kam luksin t'i jap kohë vetes të mos nxitohem”– tha ai./CNA.al





Lajmet e fundit nga