web counter
LEXO PA REKLAMA!

SHKARKO APP

App Store
Google Play

Met Gala 2026 rikthehet me temën "Moda është Art"/ Ja çfarë pritet nga nata më e madhe e modës

4 Maj 2026, 16:16, Lifestyle CNA

Met Gala 2026 rikthehet me temën "Moda është Art"/ Ja

Nju Jorku është gati për Met Gala 2026, eventin më prestigjioz të modës në botë, ku rreth 450 të ftuar VIP do të parakalojnë në tapetin e kuq të Muzeut Metropolitan të Artit në natën më të madhe të modës së vitit.

Tema e këtij viti është “Arti i Kostumeve”, ndërsa kodi i veshjes është “Moda është Art”, duke ftuar yjet të interpretojnë modën si një formë arti përmes veshjeve të tyre. Organizatorët presin krijime të frymëzuara nga periudha artistike si baroku, impresionizmi dhe Rilindja.

Bashkëkryetaret e mbrëmjes janë Beyoncé, Nicole Kidman dhe Venus Williams, ndërsa Anna Wintour vijon të drejtojë eventin ikonik. Met Gala 2026 shënon edhe rikthimin e Beyoncé në këtë event pas një mungese 10-vjeçare.

Mbrëmja do të hapë zyrtarisht ekspozitën pranverore të Institutit të Kostumeve, e cila do të shfaqë mbi 400 veshje dhe objekte që përfshijnë 5,000 vjet histori mode.

Biletat për eventin mbeten ndër më të shtrenjtat në botën e spektaklit: një tavolinë kushton mbi 350 mijë dollarë, ndërsa një biletë individuale arrin në 75 mijë dollarë, megjithëse shumica e personazheve të famshëm marrin ftesa nga shtëpitë e modës.

Met Gala zhvillohet tradicionalisht të hënën e parë të majit dhe do të transmetohet live nga Vogue dhe platformat kryesore sociale, ndërsa miliona fansa në mbarë botën do të ndjekin mbërritjen spektakolare të yjeve në tapetin e kuq./CNA





Lajmet e fundit nga