LEXO PA REKLAMA!

SHKARKO APP

App Store
Google Play

E fundit!

x

Kapelja e Napoleon Bonapartit del në ankand, vlera marramendëse e shitjes

20 Nëntor 2023, 15:13, Lifestyle CNA
Kapelja e Napoleon Bonapartit del në ankand, vlera marramendëse e
Kapelja e Napolon Bonapartit

Një kapele e veshur nga Napoleoni u shit për 1.5 milionë dollarë në një ankand të sendeve të perandorit francez.

"The Guardian" shkruan se një kapelë dykëndëshe e zbehur dhe e plasaritur e sendeve të perandorit francez, veshur nga Napoléon Bonaparte u shit për 1.5 milion dollarë në një ankand të dielën, ndërsa bashkë me taksat blerësi paguan një faturë totale prej 2.1 milionë dollarësh.

Kapelja e zezë, e gjerë, një nga pak ekzistueset që Napoleoni mbante kur sundoi Francën e shekullit të 19-të dhe zhvilloi luftë në Evropë, fillimisht u vlerësua nga 600,000 deri në 800,000 euro ose thënë ndryshe 650,000-870,000 dollarë.

Oferta  për kapellen u rrit menjëherë derisa Jean Pierre Osenat, president i shtëpisë së ankandeve Osenat, caktoi fituesin.

“Ne jemi në 1.5 milionë euro për kapelën e Napoleonit... për këtë simbol të madh të epokës Napoleonike”, tha ai, ndërsa duartrokitjet shpërthyen në sallën e ankandit. Blerësi, identiteti i të cilit nuk u bë i ditur, duhet të paguajë 28.8% komisione sipas Osenat, duke e çuar koston e përgjithshme në 1.9 milionë euro, ose 2.1 milionë dollarë.

Teksa oficerët e tjerë zakonisht mbanin kapelet e tyre dykëndëshe me krahët përballë, Napoleoni mbante të tijat me skajet e drejtuara nga shpatullat e tij. Stili - i njohur si "en bataille", ose në betejë - e bëri më të lehtë për trupat e tij të dallonin udhëheqësin e tyre në luftime./CNA

Lajmet e fundit nga