LEXO PA REKLAMA!

SHKARKO APP

Stefi Prifti flet për humbjen e bashkëshortes/ “Ngushëllimin e gjeta te vajzat e mia dhe muzika“

19 Nëntor 2023, 09:16, Lifestyle CNA
Stefi Prifti flet për humbjen e bashkëshortes/
Stefi Prifti

Këngëtari korçar, Stefi Prifti, ka bërë një rrëfim shumë të ndier duke treguar për ndarjen nga jeta të bashkëshortes së tij.

Në një intervistë, Stefi Prifti është shprehur se ka qenë një periudhë shumë e vështirë e jetës së tij dhe se ngushëllimin e ka gjetur te vajzat e tij dhe muzika.

Ka qenë dashuri me shikim të parë. Kemi pasur sakrifica për hatër të profesionit tim. Marina ka sakrifikuar shumë nga jeta e saj. Ikëm, i lamë të gjitha këtu. Nisëm një jetë të re. Ndarja nga jeta ka qenë e vështirë, nuk shprehet me fjalë. Mos i ndodhtë askujt, por gjërat nuk janë në dorën e njeriut.

Kam vuajtur shumë vite më pas, jam përpjekur që energjitë i mia, stacioni im pas humbjes së Marinës të ishin vajzat, kështu e kam kaluar. Më ka ngushëlluar prania e tyre. Që të jem i vërtetë, edhe muzika të mban gjallë, arti është i magjishëm. Ata që janë muzikantë dhe që e duan muzikën më kuptojnë shumë mirë. Arti të jep forcë, të mban gjallë në çdo situatë”, ka thënë Stefi Prifti në “S'e luan topi”.

Më tej ai ka folur për një tjetër periudhë të vështirë të jetës së tij që ishte emigracioni.

Këngëtari korçar ka rrëfyer se i është dashur të bëjë punë të vështira për të mbijetuar, madje ka treguar se kur ka emigruar drejt Greqisë, i është dashur të mbledhë domate.

Emigracioni, momenti i parë ishte edhe i çuditshëm dhe i vështirë. Ndonjëherë duhet edhe një fije fati dhe Endrin e kishim përcjellë pak muaj më parë. Endri kishte 6 muaj, ose më mirë të themi 5 sepse 1 muaj ndenji te kushërirat e mamasë si turist dhe e mbajtën ato në pëllëmbë të dorës. Më pas ne iu lutëm atyre që t’i gjenin një punë sepse bëhej fjalë për 1991-shin. Dhe Endri kishte 5 muaj që punonte punë të ndryshme, punë krahu, çfarë t’i dilte para për të jetuar.

Në momentin që shkova unë, edhe unë po t'i bësh bashkë të gjitha punët e mia, punova dy javë. Mund t’ju bëjë për të qeshur, por unë kam mbledhur domate dy herë dhe atë mbaj mend si punën fizike më të vështirë që kam bërë si burrë në Greqi. Ishte një punë që nuk e bënin burrat, por gratë”, tha këngëtari./ CNA

Lajmet e fundit nga