E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

(FOTO) Historitë e dashurisë së Dua Lipës/ Me cilin përputhej më shumë?

5 Dhjetor 2023, 16:39, Lifestyle CNA

(FOTO) Historitë e dashurisë së Dua Lipës/ Me cilin

Dua Lipa

Këngëtarja shqiptare me famë botërore, Dua Lipa është shpesh në qendër të vëmendjes së publikut si për projektet e reja që sjell dhe për jetën e saj private.

Së fundmi ajo po përflitet për një histori të re dashurie.

Pasi u bë i ditur lajmi për ndarjen e saj nga regjisori Romain Gavras ajo sërish u vë në qendër të vëmendjes.

Më poshte po ju sjellim disa nga personat me të cilaët Dua Lipa ka pasur një histori dashurie.

Isaac Carew

Lidhja e saj e parë zyrtare është me britanikun Isaac Carew. Çifti filloi të dilnin bashkë në vitin 2015 dhe u ndanë në shkurt të 2017-ës. Megjithatë në maj të 2018-ës, të dy u panë sërish bashkë në Londër teksa ai i kishte vënë krahun te shpatulla e këngëtares. Ai po ashtu iu bashkua Duas dhe familjes së saj në Met Gala-në e 2019-ës, por fundi i ndarjes kishte ardhur.

Dua Lipa dhe Isaac Carew

Paul Klein

Lipa ka dalë dhe me muzikantin Paul Klein, lideri i grupit muzikor “Lany”. Lidhja e tyre ka zgjatur vetëm 5 muaj. Ata u ndanë në janar të 2018-ës, kohë kur Klein deklaroi se fshiu llogaritë e tij në rrjetet sociale. Ai tha “ndiej sikur më ka dalë zemra nga vendi, por jam i lumtur që po bëj këngë në këtë situatë.” Në një intervistë për Harper’s Bazaar në korrik të po atij viti, Klein foli dhe më shumë për këtë lidhje të shkurtër, por që atij i kishte lënë shumë shenjë. Ai theksoi se e kishte mbaruar albumin “Malibu Nights” 50 ditë pas ndarjes. “S’kam ndjerë kurrë një dhimbje të tillë, nuk dua të bëj drama…por mendoj se kam dashuruar për herë të parë në jetën time, s’isha ndjerë kurrë kështu”, tha Klein. Kur Dua u pyet për albumin e Klein ajo u shpreh: Nuk e kam dëgjuar!

Dua Lipa dhe Paul Klein

Anwar Hadid

Me Anwar Hadid, Dua Lipa ka pasur lidhjen e saj më të gjatë romantike. Ata u takuan për herë të parë në festën e ditëlindjes së Gigi-t (motrës së Anwar) në Malibu të Kalifornisë, në qershor të 2019-ës. Për herë të parë u shfaqën bashkë publikisht gjatë Javës së Modës në New York, e më pas në tapetin ekuq të Amerikan Music Awards. Gjatë periudhës së pandemisë, Dua dhe Anwar shpenzuan shumë kohë sëbashku. Në prill të 2020, këngëtarja u shpreh për “People” se ndihej shumë rehat me partnerin. “Po mësojmë shumë për njëri-tjetrin”, tha Dua. Në përvjetorin e parë të lidhjes, ata adoptuan një qen që e quajtën Dexter. Teksa çdo gjë dukej në rregull, pas 2 vitesh e gjysmë bashkë ata morën një pauzë. Kjo e fundit rezultoi ndarje përfundimtare sepse në qershor të vitit të shkuar, Lipa ndau një fotocover-in e Vogue në të cilin shkruhej: Kapitulli i ri i jetës ka të bëjë vetëm me mua.

Dua Lipa dhe Anwar Hadid

Jack Harlow

Reperi Jack Harlow ka realizuar një këngë të titulluar “Dua Lipa” në të cilën ai thekson se do më shumë se një tipar te një femër. Në maj të vitit 2022, ai tha se e ka telefonuar Dua-n për t’i marrë aprovimin për këngën. “Nëse ajo do thoshte jo e urrej, nuk dua ta publikosh, nuk do e bëja. Por ajo tha, nuk është kënga ime kështu që është në rregull”, u shpreh Harlow. Kur e pyetën se a i pëlqen Dua, ai tha: E admiroj! Atë dhjetor u tha se Dua dhe Harlow kishin dalë disa herë bashkë, por gjithçka u shua kur në fillim të këtij viti, këngëtarja konfirmoi lidhjen me Gavras.

Dua Lipa dhe Jack Harlow

Romain Gavras

Në shkurt të këtij viti, Dua u pa në BAFTA në Londër me një burrë misterioz i cili më vonë u identifikua si Romain Gavras. Ky i fundit kishte qenë i lidhur 5 muaj me këngëtaren tjetër shqiptare Rita Ora, me të cilën e përfundoi me konflikte marrëdhënien. Gavras dhe Lipa dolën hapur sëbashku në Festivalin e Kanës në 19 Maj të këtij viti. Ata pozuan në tapetin e kuq krejtësisht të lumtur. Por siç duket as kjo romancë nuk zgjati shumë! Sapo është konfirmuar ndarja e tyre, ndërsa Romain e ka cilësuar Dua-n “të varur nga puna.”/ CNA