web counter
LEXO PA REKLAMA!

SHKARKO APP

E fundit!

x

Llazar Fundo, figurë e shquar e mendimit shqiptar dhe europian/ Mbahet sot Simpoziumi Shkencor

16 Maj 2025, 10:46, Kulturë CNA

Llazar Fundo, figurë e shquar e mendimit shqiptar dhe europian/ Mbahet sot

Sot do të mbahet në Amfiteatrin e Universitetit "Fan Noli" në Korçë Simpoziumi Shkencor “Llazar (Zai)Fundo-figurë e shquar e mendimit shqiptar dhe europian”.

Simpoziumi pritet të nisë në orën 11:00 ku do të flasin për Llazar Fundon një sërë figurash të njohura si Gjergji Pendavinji, Irena Nikaj, Elona Çeçe, Eris Rusi, Metin Venxha, Suela Dinellari, Eriseld Kalemaj, Viola Dolani, Denisa Titili.

Në përmbyllje të Simpoziumit Shkencor do të zhvillohet edhe vizita e ekspozitës fotografike.

Llazar Fundo është një figurë komplekse e historisë shqiptare. Një intelektual poliglot me plot 9 gjuhë të huaja, që lindi në një familje tregtarësh nga Voskopoja në Korçë, më pas në rini u bë komunist, u pushkatua nga komunistët dhe përpara togës së pushkatimit la testamentin e tij: “Komunizma që idealizonim si Krishtin, për nga ligësitë ia kalon dhe djallit. Kam qenë komunist, por s’do të vdes kurrë i tillë. Mund të gënjeja për të shpëtuar kryet, por s’mund ta bëj një gjë të tillë. Fotot që janë në çantë t’i jepen nënës në rast se është gjallë”.

Këto janë fjalët e një intelektuali të kalibrit europian. Një ish-anëtar i Kominternit që më pas denoncoi dhe akuzoi Stalinin dhe krimet e tij.

I internuar në ishullin e Ventotenes si antifashist, do të binte në kontakt me ideologët italianë, Altiero Spinelli dhe Ernesto Rossi, me të cilët Fundo do të hartonte "Manifestin e Ventotenes", i njohur si pararendës i Kongresit të Hagës dhe i Deklaratës së Shumanit.

Ata zhvilluan një vizion të ri për krijimin e një Europe të lirë dhe të bashkuar, të bazuar në idenë e sovranitetit, lëvizjes së punëtorëve, të monedhës së përbashkët, etj.

Studiuesit italianë do t'i quanin si pararendëse të Bashkimit Europian idetë e juristit të lindur në Korçë dhe të diplomuar në Sorbonë. Fundo kishte një përvojë politike të gjatë dhe komplekse, në Shqipëri dhe në Europë./ CNA





09:11 Kulturë Agim Xhafka

DOKTORESHA

Elsa herë pas here shkon te prindërit. Tashmë ata kanë hyr...

14:28 Kulturë Boris Miska

Fustani i altarit!

Zanës i ra telefoni nga dora, u mbajt te kanapeja pranë dh...

09:41 Kulturë Agim Xhafka

KUZHINA ME VELA

Mëngjesi i sotëm në kafe me shokët e zyrës u çel me një bi...

Lajmet e fundit nga