web counter
LEXO PA REKLAMA!

SHKARKO APP

App Store
Google Play

E fundit!

x

Homazhet në nder të aktores Margarita Xhepa/ Vlerësime nga artistë dhe qytetarë

4 Prill 2025, 12:23, Kulturë CNA

Homazhet në nder të aktores Margarita Xhepa/ Vlerësime nga

Sot në hollin e Teatrit Kombëtar të Operës dhe Baletit po zhvillohen homazhet në nder të ikonës së teatrit dhe kinematografisë Margarita Xhepa, e cila ndërroi jetë ditën e djeshme në moshën 91-vjeçare.

Familjarë, miq, kolegë, artistë dhe qytetarë të shumtë kanë marrin pjesë në homazhet në nder të aktores së madhe, që la gjurmë në artin shqiptar.

Aktorja e mirënjohur, Tinka Kurti, e quajti një njeri të madh.

“Për mua ka qenë një njeri i madhnueshëm, për mua dhe për popullin”,- tha Tinka Kurti.

Regjisori i njohur, Mevlan Shanaj, i njohur për bashkëpunimin e tij me Margarita Xhepën në filmat shqiptarë, ka shprehur mirënjohje dhe nderim të thellë për figurën e saj.

“Margarita ishte një njeri që ka marrë vetëm dashuri nga të gjithë. Nuk ka njohur ndonjë fjalë të keqe, vetëm dashuri dhe respekt. Ajo ishte një aktore e jashtëzakonshme, një njeri i madh. Margarita ishte unikale, emri i saj është një sinonim i bukurisë dhe hijes, si një margaritar”,-tha Mevlani.

Aktori i njohur, Timo Flloko, ka luajtur disa role me aktoren e madhe dhe gjatë fjalës së tij ndau disa prej kujtimeve me të.

“Ruaj kujtimet më të jashtëzakonshme me të. Do të mbetet e paharruar. Po të shihni në këtë homazh ka një vizitë, një ardhje, një trysni të njerëzve që duan të vijnë e ta nderojnë. Kam një kujtim të rrallë me të, një skenë të Hamletit me nënën. E kam të filmuar dhe e kam si kujtim të rrallë”,-tha Flloko.

Margarita Xhepa u lind më 2 prill 1934 në qytetin e Lushnjës. Aktoja ka luajtur mbi 150 role në teatër dhe ka realizuar mbi 32 role në kinematografi, duke punuar me veprat e njohura të regjisorëve shqiptarë. Margarita Xhepa ishte një nga Zonjat e Mëdha të teatrit dhe filmit shqiptar, e skalitur në kujtesën e publikut shqiptar me role brilante që prej fillimit të saj në vitet '60-të dhe deri më sot./CNA





Lajmet e fundit nga