web counter
LEXO PA REKLAMA!

SHKARKO APP

App Store
Google Play

E fundit!

x

“Drejtësi në Nuremberg”/ Premierë në Teatrin "ArTurbina"

9 Mars 2026, 15:01, Kulturë CNA

Drama e regjisorit Arben Kumbaro “Drejtësi në Nuremberg” është shfaqur premierë në Teatrin "ArTurbina" në fundjavë, duke ngjallur interes dhe vlerësim te publiku i kryeqytetit.

Kasti i roleve përmbledh plot 18 aktorë, ku përfshihen emra të njohur si Viktor Zhusti, Sokol Angjeli, Neritan Liçaj, Indrit Çobani etj.

Me autor Abby Mann, skenarist dhe producent amerikan i subjekteve kontroverse dhe dramave sociale, kjo vepër është shkruajtur në vitin 1961 dhe është shfaqur fillimisht si dramë televizive.

Në qendër të subjektit është gjyqi famëkeq i Nurembergut, ku katër gjyqtarë dhe prokurorë akuzohen për krime kundër njerëzimit, në kuadër të rolit të tyre gjatë regjimit nazist në Gjermani.

Shfaqja evokon për temën e fortë të përgjegjësisë individuale dhe kolektive gjatë Holokaustit, në sfondin e nisjes së Luftës së Ftohtë dhe Bllokadës së Berlinit. Për rëndësinë historike, kulturore dhe estetike që kjo vepër mbart, ajo është klasifikuar si pjesë e Regjistrit Kombëtar të Filmit në SHBA.

Publiku ftohet të përjetojë një gjendje gjykimi dhe reflektimi, ku e drejta dhe e padrejta vihen në një përballje me sfond historik. Sot, në kohën e konflikteve dhe luftërave që zhvillohen në anë të ndryshme të botës, drama e Kumbaros ndihet më aktuale se kurrë. Pasi pas çdo vendimi lufte përballen të gjithë me stekën e drejtësisë, sado kohë të kalojë.

Shfaqja do të vijojë të ngjitet në skenë në datat 12 deri më 15 mars në "ArTurbina", ora 20:00./ CNA





09:31 Kulturë Agim Xhafka

Nga fshati në Boston

Rastësisht pashë në facebook Aleksin, shokun tim të gjimna...

Lajmet e fundit nga