E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

Themelohet Agjencia Ndërkombëtare e Talenteve/ Perspektiva hollivudiane e filmave më pranë Shqipërisë se kurrë

7 Mars 2026, 17:39, Kulturë CNA

Të shtunën më datë 7 Mars u mbajt eventi lançues i Agjencisë Ndërkombëtare të Talenteve, e para e këtij lloji në Shqipëri, ku profesionistët vendas u takuan me agjentët ndërkombëtarë të filmave. Aktorë dhe teknikë të industrisë së filmit ishin pjesëmarrës, me dhe pa eksperiencë nga fusha e kinemasë, duke hapur kështu mundësinë për këdo që është i apasionuar pas industrisë së filmit.

Agjencia Ndërkombëtare e Talenteve është e lidhur me studiot Televizive dhe të filmave në Londër, Los Anxhelos, Nju Jork dhe përtej. Ajo synon të shërbejë si një korridor direkt i projekteve midis Tiranës dhe profesionistëve të Hollivudit. Themeluesi i Agjencisë, J.Grayson Stubbs, u shpreh për televizionin CNA, se është optimist për çfarë mund të ofrojë Shqipëria në arenën botërore të filmit.

Stubbs është aktualisht drejtor i kompanisë filmike “Rose Tint Films”, ndërsa më parë ka qenë drejtor ekzekutiv i gjigandit “Lionsgate”. Ai ishte i pranishëm në kampusin e Tiranës për tu njohur me talentet e filmit në vend, ku shpjegoi se si do të funksionojë agjencia.

Tashmë me Institutin Katalist dhe me Agjencinë e Talenteve, profesionistët nga e gjithë bota do të trajnojnë kineastët shqiptarë, për ta përfshirë Shqipërinë në lupën e kinematografisë botërore. Catalyst Insitute është një qendër trajnimi që funksionon prej 2 vjetësh në vendin tonë. Puna e tij po bën realitet një vizion, që synon të përmirësojë cilësinë e produksionit filmik në tërësi dhe përgatisë stafin e profesionistëve të të gjithë llojeve në industrinë e filmit në Shqipëri.

Themelohet Agjencia Ndërkombëtare e Talenteve/ Perspektiva

Trajnimet e ofruara mbi industrinë amerikane të filmit dhë televizionit përfshijnë produksionin dhe realizimin e eventeve të kinemasë në Tiranë. Aktorë, shkrimtarë, regjisorë, producentë, teknikë dhe çdo person tjetër i stafit të realizimit të filmit në të gjitha hallkat e tij janë tashmë pjesë e kësaj qendre filmi.

Mes ekspertëve të filmave ndërkombëtarë që ishin të pranishëm në event ishte edhe Rowan Cassidy, graphic designer i filmave të famshëm si Matrix, Pirati i Karaibeve, Moulin Rouge dhe produksione animacion të Disney.

Ekspertët e industrisë së filmit nga Hollywood kanë mbërritur në Shqipëri për të dytin vit radhazi, duke themeluar këtë herë edhe agjencinë e rekrutimit dhe vendosjen e lidhjeve midis produksioneve të huaja me talentet shqiptare. Për ta bërë më konkrete nismën, artistët dhe teknikët e filmit që ishin pjesëmarrës në event mund të skanonin një kod të publikuar në fletushkat e ekspozuara në mure, ku më pas do të regjistronin të dhënat e tyre. Në këtë mënyrë, agjencia i përfshin ata në listën e stafit të filmave në Shqipëri, për t’i bërë më pas pjesë të projekteve konkrete filmike.

Me premtimin e projekteve ambicioze filmike së shpejti në Shqipëri, ku buxhetet arrijnë në miliona dollarë, mund të thuhet se Shqipëria ka shanset më të mira ndonjëherë në perspektivën e kinematografisë botërore. /CNA