web counter
LEXO PA REKLAMA!

SHKARKO APP

App Store
Google Play

Zbulohen serat me kanabis në 3 fshatra në veri

7 Korrik 2023, 11:11, Kronika CNA

Zbulohen serat me kanabis në 3 fshatra në veri

Policia ka bërë me dije zbulimin dhe asgjësimin e 894 bimëve narkotike kanabis që ishin kultivuar në zona të pyllëzuara, në territoret e fshatrave Gjonpepaj, Lekbibaj dhe Mserr.

Në njoftimin zyrtar blutë shprehen se për këtë ngjarje do të procedohen penalisht kryetarët e fshatrave Gjonpepaj dhe Lekbibaj së bashku me përgjegjësit e shërbimit pyjor të këtyre dy fshatrave, për moskallëzim krimi dhe shpërdorim detyre.

Zbulimin vjen në sajë të operacionit të koduar “Bjeshkët e Nemuna”.

“Në vijim të kontrolleve antikanabis, me shërbime nga toka dhe me dronë, shërbimet e Drejtorisë Vendore të Policisë Kukës kanë finalizuar fazën e tretë të operacionit policor të koduar “Bjeshkët e Nemuna”, në kuadër të të së cilës:

-në fshatin Gjonpepaj janë gjetur të kultivuara 178 bimë narkotike cannabis sativa;

-në fshatin Mserr janë gjetur të kultivuara 428 bimë narkotike cannabis sativa;

-në fshatin Lekbibaj janë gjetur të kultivuara 288 bimë narkotike cannabis sativa.

Bimët narkotike, pas kryerjes së veprimeve procedurale, u asgjësuan nëpërmjet djegies.

Në vijim të veprimeve procedurale për këto raste, u referuan materialet në Prokurori ku nisi procedimi në gjendje të lirë, për shtetasit P. U. dhe S. S., kryetarë të fshatrave Gjonpepaj dhe Lekbibaj; A. Q. dhe Gj. P., përgjegjësit e shërbimit pyjor në këto dy fshatra, të dyshuar për veprat penale “Shpërdorimi i detyrës” dhe “Moskallëzimi i krimit”.”





Lajmet e fundit nga