web counter
LEXO PA REKLAMA!

SHKARKO APP

App Store
Google Play

E fundit!

x

SPAK kërkon 10 vite burg për Kokën/ Flet avokati i ish-ministrit

6 Korrik 2023, 14:15, Kronika CNA

SPAK kërkon 10 vite burg për Kokën/ Flet avokati i ish-ministrit

Prokuroria e Posaçme ka kërkuar 10 vite burg për ish-ministrin e Mjedisit Lefter Koka, i cili ka qenë i pranishëm në seancën e sotme gjyqësore.

Avokati i ish-ministrit ka deklaruar se klienti i tij është i pafajshëm pasi sipas tij ai ka qenë jashtë vendit në kohën kur janë bërë negociatat ndërsa ka shtuar se procesi ka qenë i stisur politikisht.

 “Provat në 120.000 faqe dosje hetimore faktojnë pafajësinë absolute të Lefter Kokës për 3 akuzat. Procesi është i stisur politikisht, ka porositës dhe ekzekutor.

Dy takimet që pretendohet se Lefter Koka ka marrë pjesë në diskutime me Albtek faktohet nga TIMS se ka qenë jashtë Shqipërisë.

Kostoja e impiantit të Elbasanit është më ekonomikja e mundshme. Landfilli kushton 3-fish më pak nga ai i Vlorës, 2-fish më pak nga Saranda.

Lefter Koka nuk ka asnjë pasuri të shtuar pas 2013, faktuar nga hetimi dhe ILDKPKI. Ku janë paratë e korrupsionit?

Shoqëritë kanë kryer evazion fiskal me njëra-tjetrën pa lidhje me Lefter Kokën dhe janë dënuar nga gjykatat e rretheve për këtë vepër. Hetimi u devijua.

Kjo çështje është e hetuar dhe gjykuar në gjykatën e Elbasanit. Është antikushtetuese të rigjykohet. Do t’i drejtohemi Strasburgut.

Prona që kërkoni të sekuestroni është themeluar në vitin 1927 dhe është privatizuar në 2000. Kjo është dhunë në emër të ligjit.

Kemi dorëzuar 3966 faqe me materiale provuese dhe ekspertuese që çmontojnë akuzën. Ato as nuk u lexuan nga prokuroria. Çfarë drejtësie është kjo?

Asnjë nga shoqëritë nuk zotërohet dhe nuk ka lidhje me Lefter Kokën. Kjo është një anomali juridike.

Asnjë qindarkë e pajustifikuar nuk është gjetur në pasurinë e Lefter Kokës. Asnjë cent nuk është kapur si provë e korrupsionit.

Prokuroria flet për dyshime, por dyshimet janë në favor të Lefter Kokës. Asnjë ligj i shkelur nuk citohet nga Prokuroria.

Asnjë lek dëm nuk është shkaktuar nga veprimtaria ekzekutive e Ministrit të Mjedisit. Akuzat pa prova forcojnë bindjen se Lefter Koka sulmohet politikisht”, kanë thënë ndër të tjera avokatët.





Lajmet e fundit nga