web counter
LEXO PA REKLAMA!

SHKARKO APP

App Store
Google Play

Afera në inceneratorin e Elbasanit/ Bllako justifikohet në gjykatë: Jam i pafajshëm

6 Korrik 2023, 16:19, Kronika CNA

Afera në inceneratorin e Elbasanit/ Bllako justifikohet në

Alqi Bllako, ish-deputeti i PS-së dhe ish-sekretari i Përgjithshëm i Ministrisë së Mjedisit, dëshmi sot në gjykatë për aferën e inceneratorëve.

Bllako pretendoi se është i pafajshëm dhe se nuk ka pasur gisht në përzgjedhjen e kompanisë koncesionare.

Ai tha para togave të zeza se ka pasur rolin e zyrtarit që kryente vetëm shkresa përcjellëse mes institucioneve.

“Jam i pafajshëm. Në cilësinë e sekretarit të përgjithshëm të ministrisë nuk kam pasur rol në zgjedhjen e anëtarëve të komisionit të vlerësimit të ofertave. Kam pasur rolin e zyrtarit që kryente vetëm shkresa përcjellëse mes institucioneve”, deklaroi Bllako.

Ndërkohë, Prokuroria e Posaçme ka kërkuar 4 vite heqje lirie me akuzën "shpërdorim detyre", kryer në bashkëpunim, por që me gjykimin e shkurtuar mund të dënohet me 2 vite e 8 muaj burg.

Nga hetimet e kryera nga SPAK-u, kanë rezultuar të dhëna se nga ana e shtetasit Alqi Bllako, gjatë kohës që ka shërbyer në fillim me funksionin Sekretar i Përgjithshëm i Ministrisë së Mjedisit dhe më pas Drejtor i Përgjithshëm i Agjencisë Kombëtare të Ujësjellës Kanalizimeve dhe Infrastrukturës së Mbetjeve (AKUM), është favorizuar shoqëria koncesionare "Integrated Technology Waste Treatment Fier sh.p.k.", kundrejt marrjes në mënyrë të tërthortë të përfitimit të parregullt në shumën prej 14,964,900 (katërmbëdhjetë milionë e nëntëqind e gjashtëdhjetë e katër mijë e nëntëqind) lekë./CNA.al





Lajmet e fundit nga