LEXO PA REKLAMA!

SHKARKO APP

E fundit!

x

Vrasja në Elbasan/ Policia del me njoftim zyrtar, identifikohet autori

17 Gusht 2022, 22:34, Kronika CNA
Vrasja në Elbasan/ Policia del me njoftim zyrtar, identifikohet autori
Foto nga vendngjarja

Policia e Elbasanit ka dhënë detajet e para për vrasjen e ndodhur mbrëmjen e sotme në lagjen "Kongresi", pranë stadiumit.

Blutë bëjnë me dije se autor i ngjarjes dyshohet se është i riu me iniciale K.SH. Pas një konflikti për motive të dobëta, ky i fundit ka qëlluar me armë Madrit Ulqinakun.

Autori është larguar nga vendngjarja, ndërsa policia është vënë në kërkim të tij.

“Më datë 17.08.2022, rreth orës 21:50, në lagjen "Kongresi",  Elbasan, gjatë një konflikti për motive të dobëta midis disa të rinjve, dyshohet se shtetasi K.SH, rreth 20 vjeç,  ka qëlluar me armë zjarri pistoletë dhe për pasojë ka humbur jetën shtetasi M. U., rreth 25 vjeç, banues në Elbasan.

Shërbimet e Policisë kanë shkuar menjëherë në vendngjarje, së bashku me grupin hetimor.

Është rrethuar zona dhe vijon krehja e saj për të bërë të mundur kapjen e autorit.

Grupi hetimor, nën drejtimin e Prokurorisë, vijon punën për zbardhjen  dhe dokumentimin e plotë të rrethanave të ngjarjes”, thuhet në njoftimin e policisë./ B.A. - CNA.al

Lajmet e fundit nga