LEXO PA REKLAMA!

SHKARKO APP

“Vlla, unë e shes me 35, nuk e di ku e kam kokën”/ Gazetari: Ervin Mata, organizatori i trafikut të drogës

22 Nëntor 2023, 22:57, Kronika CNA

Gazetari Spartak Koka ka zbardhur disa detaje nga dosja hetimore e SPAK , ku dalin emrat e Ervin Matës, Erzen Breçanit, të birit Eralb Breçanit dhe Bujar Germizit.

“Vlla, unë e shes me 35, nuk e di ku e kam kokën”/
Ervin Mata

Sonte në emisionin "Opinion", gazetari Spartak Koka ka zbuluar se Ervin Mata ishte organizator i trafikut të kokainës.

Në dosjen e SPAK janë mesazhet që Mata kishte bërë me një person tjetër në momentin që i është kapur ngarkesa e drogës në Gjermani në aeroport.

Ai thotë se e shet me 35 mijë euro kilen e kokainës dhe se është i shqetësuar për faktin se janë kapur 250 kilogramë kokainë.

 “Ervin Mata ka një rol organizatori në trafikimin e lëndëve narkotike ndërkombëtare, sipas SPAK. Ervin Mata dyshohet sipas SPAK që ka organizuar trafikimin e 250 kg kokainë nga Brazili në drejtim të Frankfurtit, Gjermani. Lidhur me këtë episod, evidentohet një bisedë më 29 Shtator 2020 ku ai flet me një shtetas dhe i thotë “vlla unë e shes me 35, Ramazani ma ka paguar 34. Ata mund ta duan dhe për Belgjikë, po unë shes me 35”. Po flasin për kilen e kokainë, 35 mijë Euro. “Tashi ç’a të them unë, ok, ishalla i ka në Shqipëri, do ta ul dhe një pikë, prit të dali malli se është në avion”.

Akoma nuk dihej nëse ka dalë apo jo malli. “Do dhe 2 orë”. Dhe më pas i shkruan: “Vlla mos më shkruaj se s’di ku kam kokën, m’u kapën 244 copë”. Ervin Mata i shkruan një personi të paidentifikuar nga SPAK. Më pas i thotë “m’u kapën 244 copë, do lexosh në gazeta nesër, në Frankfurt”. Dhe më pas kemi një komunikim tjetër me një përdorues tjetër për të njëjtën sasi “plak, po ai i Frankfurtit ka ndonjë lek se më çmendën këta të daljes”. Mesa duket kuptohet për ata persona që do ta garantonin nxjerrjen e lëndës narkotike nga aeroporti. “Ai i Frankfurtit mos i jap njeriu lekë”, i thotë, “përveç se kur të thuash ti. M’u kap komplet malli në Frankfurt nga dogana”.

Komunikimi është në shqip. Shtetasi Ervin Mata, sipas SPAK, komunikon me përdoruesin me iniciale D.P. i paidentifikuar, evidentohet të komunikojë dhe për shuma parash të cilat kërkohet t’i marrë në Shqipëri ku tregohet se disponon shuma parash në Holandë, për të cilat dyshohet se kanë burim aktivitetin e paligjshëm dhe ka një bisedë tjetër dhe i thotë: “Veç në Shqipëri i du lekët unë, t’i kaloj 1 milion në Holandë po të duash”. Pra, po flasin për 1 milion Euro. “Po më pret me ç’a të duash, të flas të kaloj lekët sot, mos e vrit mendjen”, tha gazetari./ CNA

Lajmet e fundit nga