web counter
LEXO PA REKLAMA!

SHKARKO APP

App Store
Google Play

U kapën me 80 mijë euro/ Në pranga 2 persona, dyshohet se shuma e parave u vodh në bankat e huaja

20 Maj 2024, 10:19, Kronika CNA
U kapën me 80 mijë euro/ Në pranga 2 persona, dyshohet se shuma e
Shuma e sekuestruar

Policia ka arrestuar 2 persona në Shijak, T. D., 33 vjeç, dhe V. K., 43 vjeç, pasi në automjetin me të cilin lëviznin u gjetën 80 mijë euro. 

Kjo shumë e madhe parash dyshohet se është vjedhur në banka të shteteve të BE-së. 

Njoftimi i Policisë: 

Tentuan të shitnin në treg, një shumë eurosh të dyshuara të vjedhura në banka të shteteve të BE-së, vihen në pranga 2 shtetas.

Sekuestrohen 80 000 euro.

Seksioni i Mbështetjes Operacionale të Hetimit, në bashkëpunim me Seksionin për Hetimin e Krimeve Ekonomiko-Financiare, si rezultat i adimistrimit të menjëhershëm të inteligjencës policore, se 2 shtetas tentonin të shitnin në treg, një shumë eurosh (me bojë sigurie) të dyshuara të vjedhura në banka të shteteve të BE-së, finalizuan operacionin policor të koduar “Suspicion”.

Gjatë operacionit u arrestuan në flagrancë shtetasit T. D., 33 vjeç, banues në Fushë Krujë dhe V. K., 43 vjeç, banues në fshatin Ardhishte, Shijak.

Në fshatin Ardhishte, në automjetin me të cilin lëviznin këta shtetas, shërbimet e Policisë gjetën 80 000 euro që dyshohet se janë vjedhur në banka të shteteve të BE-së, me qëllim shitjen në tregun e brendshëm.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Pastrimi i produkteve të veprës penale ose veprimtarisë kriminale” dhe “Përvetësimi i parave ose mallrave që rrjedhin nga vepra penale ose veprimtaria kriminale”./CNA 





Lajmet e fundit nga