web counter
LEXO PA REKLAMA!

SHKARKO APP

App Store
Google Play

Marrëveshja mes bandave/ “Klani Duka” dhe Durim Bami, aleancë për të vrarë Martinajn dhe ish-deputetin e PS-së

18 Maj 2024, 20:12, Kronika CNA
Marrëveshja mes bandave/ “Klani Duka” dhe Durim Bami,
Durim Bami

SPAK ka zbardhur disa atentate dhe ngjarje të rënda kriminale që kanë ndodhur vitet e fundit, në megaoperacionin e zhvilluar në fundjavë, ku u goditën grupet kriminale të Ervis Martinajt, Durim Bamit, Arben Ndokës, Edison Reçit, etj.

Sipas SPAK, i shumëkërkuari i drejtësisë nga Fushë-Kuqja, Ervis Martinaj, i zhdukur prej 8 gushtit 2022, ka qenë objektivi kryesor për t’u ekzekutuar i një aleance të lidhur midis dy grupeve armike me të.

Organi i akuzës sqaron se Durim Bami, i njohur ndryshe si “i forti” i Niklës, ka bashkuar forcat me “klanin Duka”, të drejtuar nga vëllezërit Leonard dhe Erlis Duka, për të eliminuar ish-bossin e lojërave të fatit.

Grupi i Fushë-Krujës, me në krye Durim Bamin, me ndihmën e “klanit Duka” dhe Fatmir Hysenit nga Vlora ka dashur të eliminojë përveç Martinajt edhe ish-deputetin e Partisë Socialiste në qarkun e Lezhës, Arben Ndoka.

“Në zonën e Fushë-Krujës spikat grupi kriminal i drejtuar nga shtetasi D. B., i cili shfaqet në konflikt të hapur me grupet kriminale të drejtuara nga shtetasit E.M. dhe A.N. Grupi kriminal i drejtuar nga D.B., bën aleancë me një grup kundërshtar të shtetasit E.M., dhe që drejtohet nga shtetasit L.D. dhe F.H., persona me precedentë të theksuar kriminal me qëllim vrasjen e E.M. dhe A.N. dhe anëtarëve të tjerë të këtyre grupeve kriminale”, thuhet ndër të tjera në njoftimin e SPAK-ut.

Kujtojmë se edhe Ervis Martinaj, në bashkëpunim me 3 grupe të tjera planifikuan të vrisnin Durim Bamin./ CNA





Lajmet e fundit nga