web counter
LEXO PA REKLAMA!

SHKARKO APP

App Store
Google Play

E fundit!

x

“Superoperacioni” i policisë së Korçës/ Kap “kriminelin” me një sasi të vogël droge

19 Prill 2023, 16:30, Kronika CNA
“Superoperacioni” i policisë së Korçës/ Kap
Policia e Korçës

Policia e Korçës në një njoftim zyrtar ka trumbetuar një “megaoperacion”. Blutë bëjnë me dije se kanë neutralizuar dhe “shkatërruar” veprimtarinë kriminale të një 22-vjeçari, i cili u kap me një sasi të vogël kanabisi, me shumë mundësi për përdorim vetjak.

Si në një film aksion, forcat e policisë janë mobilizuar seriozisht për të neutralizuar këtë 22-vjeçar, pasi ky “kriminel famëkeq” nuk i ishte bindur urdhrit të Policisë për kryerjen e kontrollit fizik.

“Specialistët për Hetimin e Trafiqeve të Paligjshme dhe Narkotikëve të DVP Korçë referuan materialet  në Prokurori dhe filloi procedimi në gjendje të lirë për shtetasin K. G., 22 vjeç, banues në Korçë, pasi u kap nga shërbimet e Policisë, me një sasi të vogël lënde të dyshuar narkotike kanabis, me vete. Gjithashtu, 22-vjeçari nuk i është bindur urdhrit të punonjësve të Policisë, për kryerjen e kontrollit fizik ndaj tij.

Materialet procedurale i kaluan Prokurorisë pranë Gjykatës së Rrethit Gjyqësor Korçë, për veprime të mëtejshme”, thuhet në njoftim.

Ndërkohë që vendi është i mbushur me drogë dhe vetë policia ka njoftuar për sasi të mëdha lëndësh narkotike, blutë e Korçës na propagandojnë punën me kapjen e një sasie të vogël kanabisi./ CNA.al





Lajmet e fundit nga