web counter
LEXO PA REKLAMA!

SHKARKO APP

App Store
Google Play

E fundit!

x

Shiste drogë në lokal/ ‘Fundoset’ biznesmeni, kamarieri dhe furnitori. Sekuestrohen 18 mijë euro

8 Tetor 2022, 16:48, Kronika CNA

Shiste drogë në lokal/ ‘Fundoset’ biznesmeni, kamarieri

Finalizohet operacioni policor i koduar "Bashkëpunimi", në sajë të të cilit është goditur në Fier një rast, ku një lokal ishte përshtatur për përdorimin e drogërave

Blutë kanë vënë në pranga pronarin e lokalit, kamarierin për moskallëzim krimi dhe një person që u gjet në lokal, i cili dyshohet se furnizonte pronarin e lokalit, me lëndë narkotike.

Konkretisht janë vënë në pranga shtetasit me iniciale:

-E. Gj., 46 vjeç, banues në Dërmënas, për veprat penale "Prodhimi dhe shitja e narkotikëve", "Përshtatja e lokalit për përdorim droge" dhe "Mbajtja pa leje e armëve të gjahut";

-L. G., 30 vjeç, banues në Pojan, për veprën penale "Prodhimi dhe shitja e narkotikëve";

-D. Ll., 28 vjeç, banues në Pojan, për veprën penale "Moskallëzimi i krimit".

Gjatë kontrollit të ushtruar në Pojan, në lokalin në pronësi të shtetasit E. Gj., në të cilin ndodheshin edhe shtetasit L. G. (i dyshuar se furnizonte me lëndë narkotike pronarin e lokalit)  dhe D. Ll.  (i punësuar si kamarier), u gjetën dhe u sekuestruan në cilësinë e provës materiale doza me lëndë narkotike dhe kanabis, 1 armë gjahu me një sasi fishekësh dhe 18.380 euro që dyshohet se janë përfituar nga shitja e lëndës narkotike.

Në vijim të operacionit,  shërbimet e Policisë, gjatë kontrollit të ushtruar në banesën e shtetasit  L. G., gjetën dhe sekuestruan në cilësinë e provës materiale 6.5 kg lëndë të dyshuar narkotike cannabis sativa.

Në bashkëpunim me Prokurorinë vijon puna për dokumentimin e plotë të kësaj veprimtarie kriminale, identifikimin dhe kapjen e personave të tjerë të përfshirë.

Ndërkaq, materialet i kaluan Prokurorisë, për veprime të mëtejshme procedural./ B.A. – CNA.al





Lajmet e fundit nga