web counter
LEXO PA REKLAMA!

SHKARKO APP

App Store
Google Play

E fundit!

x

Sherr në Elbasan/ Plagoset me thikë 21-vjeçari

9 Tetor 2022, 18:40, Kronika CNA
Sherr në Elbasan/ Plagoset me thikë 21-vjeçari
Foto ilustruese

Një sherr është regjistruar pak më parë në lagjen "28 Nëntori", në Elbasan.

Mësohet se si pasojë ka mbetur i plagosur 21-vjeçari me iniciale F.Sh., i cili është dërguar menjëherë për shërbim mjekësor në spital.

Nga informacionet paraprake, ende nuk bëhet me dije gjendja shëndetësore e të riut, ndërsa autori 54-vjeçar me iniciale P.R. është vënë në pranga.

Raportohet se sherri ndodhi për shkak të motiveve të dobëta.

“Në lagjen "28 Nëntori", Elbasan, dyshohet se pas një konflikti të çastit për motive të dobëta, shtetasi P. R. 54 vjeç, banues në Elbasan, ka plagosur me mjet prerës (thikë), shtetasin F. Sh., 21 vjeç, banues në Elbasan, i cili ndodhet në spital, për ndihmë mjekësore.

Autori i dyshuar, shtetasi P. R. është lokalizuar dhe kapur brenda pak minutash, pas ngjarjes. Aktualisht ndodhet në ambientet e Policisë, për veprime të mëtejshme procedurale.

Grupi hetimor, nën drejtimin e Prokurorisë, vijon veprimet hetimore për zbardhjen e plotë të rrethanave të ngjarjes”, thuhet në njoftimin e policisë./ B.A. – CNA.al





Lajmet e fundit nga