E fundit!

16:37 Aktualitet

Paratë e futura në qese të zeza/ Publikohen pamjet brenda filialit të Postës Shqiptare në Durrës

Janë publikuar pamjet e kamerave të sigurisë brenda zyrave...

Rrahën mjeken dhe “kthyen përmbys” spitalin/ Arrestohen dy persona

8 Shkurt 2023, 17:14, Kronika CNA

Rrahën mjeken dhe “kthyen përmbys” spitalin/ Arrestohen dy

Shtetasit I. S., 41 vjeç dhe B. B., 54 vjeç, të dy banues në Tiranë kanë goditur me grushte një mjeke pasi pretendojnë se ajo ka neglizhuar të mjekojë një të afërm të tyre.

Dy shtetasit kanë dëmtuar dyert dhe dritaret e spitalit ku ajo punonte. Ngjarja ka ndodhur rreth orës 02:00 të ditës së sotme.

Këta shtetas nuk iu janë bindur urdhrave të punonjësve të Policisë pas arrestimit.

Gjithashtu janë proceduar penalisht K.S., 50 vjeç, E. Xh., 47 vjeç dhe A. M., 55 vjeç.

"Goditën për shkak të detyrës një mjeke, dëmtuan dyert dhe dritaret e spitalit ku ajo punonte, arrestohen në flagrancë 2 shtetas, procedohen penalisht 3 të tjerë.

Të arrestuarit nuk iu bindën urdhrave të punonjësve të Policisë, të cilët shkuan në vendin e ngjarjes, për të kryer veprimet procedurale.

Specialistët për Hetimin e Krimeve të Komisariatit të Policisë Nr. 4, pas marrjes së njoftimit se disa shtetas kishin goditur për shkak të detyrës një mjeke dhe kishin dëmtuar ambientet e spitalit ku ajo punonte, kanë organizuar menjëherë punën për identifikimin dhe kapjen e autorëve.

Si rezultat i veprimeve të shpejta nga shërbimet e Policisë, u arrestuan në flagrancë shtetasit I. S., 41 vjeç dhe B. B., 54 vjeç, të dy banues në Tiranë.

Gjithashtu, u referuan materialet në Prokurori dhe nisi procedimi penal në gjendje të lirë për shtetasit: K. S., 50 vjeç (me precedent të mëparshëm penal), E. Xh., 47 vjeç dhe A. M., 55 vjeç.

Këta shtetas, rreth orës 02:00 të ditës së sotme, në ambientet e një spitali shtetëror, kanë goditur me grushte, për shkak të detyrës, një mjeke të këtij spitali, me pretendimin për neglizhencë mjekësore ndaj një të afërmi të tyre, që mjekohej në këtë spital, si dhe kanë dëmtuar dyert dhe dritaret e këtij institucioni.

Gjithashtu, këta shtetas nuk iu janë bindur urdhrave të punonjësve të Policisë që shkuan në vendin e ngjarjes, menjëherë pas marrjes së njoftimit për këtë rast.

Materialet i kaluan Prokurorisë pranë Gjykatës së Rrethit Gjyqësor Tiranë, për veprat penale “Goditje për shkak detyrës", “Mosbindja ndaj urdhrit të punonjësit të Policisë së rendit publik” dhe “Shkatërrimi i pronës”, të kryera në bashkëpunim", njofton policia./ CNA.al