web counter
LEXO PA REKLAMA!

SHKARKO APP

Operacioni "Plazhi i lirë"/ Policia sekuestron 106 shezlongë dhe 123 çadra

8 Gusht 2023, 14:22, Kronika CNA

Operacioni "Plazhi i lirë"/ Policia sekuestron 106 shezlongë

Polica ka njoftuar se ditën e sotme  janë sekuestruar e 106 shezlongë dhe 123 çadra që ishin vënë pa autorizim.

Sekuestrimet janë bërë në plazhin e Durrësit dhe Sarandës, përkatësisht dhe 53 çadra dhe 106 shezlongë53 dhe 70 çadra.

Blutë bëjnë me dije se janë vënë në pranga shtetasit me inicialet M. M., 31 vjeç, banues në Durrës dhe J. Ç., 24 vjeç , banues në Sarandë.

“Vijon operacioni policor i koduar "Plazh i lirë", me qëllim lirimin e hapësirave në plazhe, që janë zënë në kundërshtim me ligjin. 

Kjo fazë e operacionit u shtri në plazhet e Durrësit dhe të Sarandës, dhe rezultoi me sekuestrimin e 106 shezlongëve dhe 123 çadrave që ishin vënë pa autorizim.

Procedohen penalisht 2 administratorët që nuk deklaronin të ardhurat që gjeneronin nga ky aktivitet.

Në plazhin “Apollonia", në Durrës, u sekuestruan 106 shezlongë dhe 53 çadra që ishin vënë pa autorizim. Për këtë rast, u referuan materialet në Prokurori ku nisi procedimi në gjendje të lirë për shtetasin M. M., 31 vjeç, banues në Durrës.

Në plazhin e Çentralit, në Sarandë, u sekuestruan 70 çadra që ishin vënë pa autorizim. Për këtë rast, u referuan materialet në Prokurori ku nisi procedimi në gjendje të lirë për shtetasin J. Ç., 24 vjeç , banues në Sarandë.

Materialet procedurale i kaluan prokurorive përkatëse, për veprime të mëtejshme, për veprat penale “Pushtimi i tokës” dhe “Fshehja e të ardhurave”.

Kontrollet dhe verifikimet në kuadër të operacionit "Plazh i lirë", vijojnë.”-thuhet në njoftimin e policisë./CNA





Lajmet e fundit nga