web counter
LEXO PA REKLAMA!

SHKARKO APP

App Store
Google Play

Në kërkim për drogë dhe armë, arrestohet i riu në kryeqytet

14 Shtator 2023, 13:33, Kronika CNA

Në kërkim për drogë dhe armë, arrestohet i riu në

Policia e Tiranës ka arrestuar 24-vjeçarin me iniciale R.Sh, i shpallur në kërkim për drogë dhe mbajtje pa leje e armëve të ftohta. 

Gjykata e Vlorës ka caktuar masën e sigurisë "Arrest në burg" për të riun për veprat penale "Prodhimi dhe shitja e narkotikëve" dhe "Prodhimi dhe mbajtja pa leje e armëve të ftohta".

Njoftimi i Policisë: 

Kapet nga shërbimet e Komisariatit të Policisë Nr. 3, një 24-vjeçar i shpallur në kërkim për vepra penale në fushën e narkotikëve dhe për mbajtje pa leje të armëve të ftohta.

Shërbimet e Komisariatit të Policisë Nr. 3, në vijim të punës për kapjen e shtetasve në kërkim, bazuar në informacionet e siguruara nga inteligjenca policore, për vendodhjen e një shtetasi në kërkim, menjëherë kanë organizuar punën për kapjen dhe vënien e tij përpara përgjegjësisë ligjore.

Në rrugën "Mine Peza", shërbimet e Komisariatit të Policisë Nr. 3 kanë kapur shtetasin R. Sh., 24 vjeç, banues në Tiranë.

24-vjeçari ishte shpallur në kërkim pasi Gjykata e Rrethit Gjyqësor Vlorë i ka caktuar masën e sigurisë "Arrest në burg", për veprat penale "Prodhimi dhe shitja e narkotikëve" dhe "Prodhimi dhe mbajtja pa leje e armëve të ftohta".

Veprimet e mëtejshme procedurale për këtë shtetas do të kryhen nga DVP Vlorë./CNA





Lajmet e fundit nga