web counter
LEXO PA REKLAMA!

SHKARKO APP

App Store
Google Play

E fundit!

x

Morën peng dhe dhunuan 20-vjeçarin/ Arrestohet njëri nga autorët, 2 të tjerë në kërkim

21 Maj 2026, 14:52, Kronika CNA

Morën peng dhe dhunuan 20-vjeçarin/ Arrestohet njëri nga

Policia e Vlorës ka vënë në pranga një person si dhe kanë shpallur në kërkim dy të tjerë në lidhje me marrjen dhe dhunimin peng të një 20-vjeçari.

Të tre këta persona kanë marrë me forcë dhe më pas kanë dhunuar 20-vjeçarin me qëllim përfitimin e një shume monetare prej 6000 eurosh.

Pasi e morën të riun me forcë në automjet, më pas e kanë çuar në një ambient të veçuar ku dhe e kanë dhunuar.

 

Njoftimi i policisë

 

Vlorë/Morën me forcë në automjet, një 20-vjeçar, dhe më pas e dhunuan, me qëllim përfitimin e një shume monetare, identifikohen shtetasit e implikuar në këtë ngjarje.

Vihet në pranga 1 nga autorët, shpallen në kërkim 2 të tjerë. 

Strukturat hetimore dhe operacionale të DVP Vlorë, menjëherë pas marrjes së informacionit për një shtetas që e kishin marrë me forcë në automjet, organizuan punën për identifikimin, lokalizimin dhe kapjen e autorëve të dyshuar.

Falë reagimit dhe veprimeve të shpejta hetimore, të kryera në kuadër të operacionit policor të koduar “STRIKE 2”, specialistët e Seksionit për Hetimin e Krimeve ndaj Personit kapën dhe arrestuan në flagrancë shtetasin B. H., 24 vjeç, banues në fshatin Risili, Vlorë, si dhe shpallën në kërkim policor shtetasit R. L., 30 vjeç dhe L. K.(L.), 34 vjeç (vëllezër), të dy banues në fshatin Risili, Vlorë.

Nga hetimet paraprake dyshohet se këta shtetas, në bashkëpunim me njëri-tjetrin kanë marrë me forcë në automjetin në përdorim të dy vëllezërve, një 20-vjeçar, dhe më pas e kanë çuar në një ambient të veçuar, ku kanë ushtruar dhunë ndaj tij, me qëllim përfitimin e shumës monetare 6000 euro.

Vijon puna, në bashkëpunim me Prokurorinë, për dokumentimin e plotë ligjor të ngjarjes, si dhe për kapjen e shtetasve të shpallur në kërkim.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprat penale “Rrëmbimi ose mbajtja peng e personit” dhe “Shtrëngimi me anë të kanosjes ose dhunës për dhënien e pasurisë”, të kryera në bashkëpunim.





Lajmet e fundit nga