web counter
LEXO PA REKLAMA!

SHKARKO APP

App Store
Google Play

Mbi 50 mijë euro dhe orë luksoze/ Arrestohet në Prishtinë një shtetas me të kaluar kriminale

2 Dhjetor 2025, 18:15, Kronika CNA

Mbi 50 mijë euro dhe orë luksoze/ Arrestohet në Prishtinë

Policia e Kosovës ka vënë në pranga një person të dyshuar për krim të organizuar dhe vepra të ndryshme penale.

Shtetasi A. B. u arrestua me urdhër të Prokurorisë Speciale të Republikës së Kosovës, në rajonin e Prishtinës, nën dyshimin për kryerjen e veprave penale ‘pjesëmarrja ose organizimi i grupit kriminal’, ‘importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse’, ‘falsifikimi i dokumenteve’ dhe ‘vjedhja e identitetit dhe pajisja e qasjes’.

Shtetasi A. B. dyshohet se si drejtues i grupit kriminal, në bashkëkryerje ka blerë armë dhe municione, me qëllim që t’i transportojë dhe t’i shesë. Gjithashtu, dyshohet se me qëllim mashtrimi ka falsifikuar dokumente dhe ka vjedhur identitet të huaj.

Gjatë arrestimit në shtëpinë ku qëndronte i dyshuari janë sekuestruar dëshmitë relevante si në vijim: 52480 euro para të gatshme, patentë shofer suedez, letërnjoftim suedez, tre (3) telefona celularë,orë Rolex ngjyra e arit, një HDD SEAGEATE P/N. 1TEAPS-500, një DVR dhe një veturë.

I dyshuari, me nënshtetësi të Suedisë, është ndaluar për 48 orë dhe brenda afatit ligjor PSRK do të parashtrojë kërkesë për caktimin e masës së pararbugimit në Gjykatën Themelore në Prishtinë./CNA





Lajmet e fundit nga