web counter
LEXO PA REKLAMA!

SHKARKO APP

App Store
Google Play

Vodhi sende me vlerë dhe tentoi të vidhte 2 automjete të tjera/ Arrestohet italiani në Durrës

2 Dhjetor 2025, 14:15, Kronika CNA

Vodhi sende me vlerë dhe tentoi të vidhte 2 automjete të tjera/

Policia e Durrësit ka vënë në pranga një 54-vjeçar nga Torino.

Është arrestuar M. S., i cili vodhi në një automjet disa sende me vlerë.

Gjithashtu tentoi të vidhte dy automjete të tjera.

Sendet e vjedhura u sekuestruan në cilësinë e provës materiale.

 

Njoftimi i policisë

 

Finalizohet operacioni policor i koduar "I huaji".

Tentoi të vidhte dy automjete, si dhe në një automjet tjetër vodhi sende me vlerë; identifikohet dhe vihet në pranga 54-vjeçari nga Torino.

Shërbimet e Komisariatit të Policisë Shijak, pas marrjes së njoftimit për tentativën për vjedhjen e dy automjeteve në Maminas të Shijakut, organizuan menjëherë punën për identifikimin dhe kapjen e autorit.

Si rezultat i veprimeve të shpejta hetimore dhe operacionale, u bë e mundur identifikimi dhe ndalimi i shtetasit:

M. S., 54 vjeç, banues në Torino, Itali.

Nga veprimet hetimore të kryera, rezultoi se ky shtetas kishte tentuar të vidhte dy automjete në Maminas, Shijak.

Po nga veprimet hetimore, rezultoi se ky shtetas kishte vjedhur sende me vlerë edhe në automjetin e një shtetasi tjetër, në Maminas.

Në cilësinë e provës materiale, u sekuestruan sendet e vjedhura.

Materialet procedurale iu referuan Prokurorisë pranë Gjykatës së Shkallës së Parë Durrës, për veprën penale "Vjedhja"./CNA





Lajmet e fundit nga