web counter
LEXO PA REKLAMA!

SHKARKO APP

App Store
Google Play

Kërkohej nga drejtësia spanjolle/ Arrestohet në Tiranë 25-vjeçari shqiptar

10 Gusht 2023, 11:06, Kronika CNA

Kërkohej nga drejtësia spanjolle/ Arrestohet në Tiranë

Një 25-vjeçar ka rënë në prangat e policisë shqiptare pasi kërkohej nga drejtësia spanjolle.

Përmes një njoftimi zyrtar blutë bëjnë me dije se shtetasi shqiptar me inicialet G. S., 25  vjeç, banues në Maqellarë, Dibër, kërkohej nga autoritetet spanjolle, si pjesëtar i një grupi kriminal në fushën e kultivimit dhe prodhimit të kanabisit.

"Finalizohet nga Fast Albania në bashkëpunim të ngushtë me DVP Tiranë, operacioni policior i koduar “Castellon 2”.

Kapet dhe vihet në pranga një 25-vjeçar, i kërkuar nga autoritetet e drejtësisë spanjolle, pjesëtar i një grupi kriminal në fushën e kultivimit dhe prodhimit të kanabisit.

Në vijim të operacioneve të njëpasnjëshme të zhvilluara nga FAST Albania, në bashkëpunim me Policitë Vendore, për kapjen e personave të shpallur në kërkim ndërkombëtar, është finalizuar një tjetër operacion, në bashkëpunim të ngushtë me DVP Tiranë.

Bazuar dhe në inteligjencën policore, njësia FAST Albania në Drejtorinë e Përgjithshme të Policisë së Shtetit, në bashkëpunim të ngushtë me strukturat operacionale në DVP Tiranë, në kuadër të operacionit policor të koduar “Castellon 2”, bënë të mundur kapjen dhe arrestimin provizor me qëllim ekstradimin drejt Spanjës të shtetasit :

G. S., 25 vjeç, banues në Maqellarë, Dibër.

Arrestimi provizor i këtij shtetasi u bë pasi Gjykata e Castellon Spanjë, i ka caktuar masën e sigurisë “Arrest në burg”, për veprat penale “Trafik droge”, “Organizatë kriminale” dhe “Vjedhje e energjisë elektrike”, të parashikuar nga Kodi Penal i Spanjës.

Ky shtetas në bashkëpunim me shtetas të tjerë shqiptarë e spanjollë, merrnin shtëpi me qera në zonën e Castellonit dhe i përshtasnin për të kultivuar bimë narkotike me anë të llambave.

Interpol Tirana vijon procedurat ligjore për ekstradimin e tij drejt Spanjës."/CNA





Lajmet e fundit nga