E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

I dyshuar për vjedhje në disa banesa/ Vihet në pranga 29-vjeçari në Durrës

16 Janar 2026, 10:56, Kronika CNA

I dyshuar për vjedhje në disa banesa/ Vihet në pranga

Një 29-vjeçar, i dyshuar si autor i vjedhjeve në disa banesa është arrestuar në Durrës. Në pranga është vënë shtetasi D. C., banues në Sukth.

Ai dyshohet se ka vjedhur 3 herë shuma parash, bizhuteri dhe pajisje, në banesën e një shtetaseje italiane në Fermë Sukth, si dhe në 5 banesa të tjera.

Gjatë kontrollit fizik pas arrestimit, 29-vjeçarit iu gjetën një pistoletë sportive që e mbante pa leje, si dhe një maskë e një palë doreza të cilat dyshohet se i përdorte për të kryer vjedhjet.

Njoftimi i policisë:

Durrës/Finalizohet operacioni i koduar “Target”, për zbardhjen e vjedhjeve.

Identifikohet, kapet dhe vihet në pranga një 29-vjeçar, i dyshuar si autor i vjedhjeve në disa banesa.

29-vjeçari dyshohet se ka vjedhur 3 herë, shuma parash, bizhuteri dhe pajisje, në banesën e një shtetaseje italiane, në Fermë Sukth, si dhe në 5 banesa të tjera.

Gjatë kontrollit fizik, atij iu gjetën një maskë dhe një palë doreza që dyshohet se i përdorte për të kryer vjedhjet dhe një pistoletë spotive që e mbante pa leje.

Si rezultat i hetimeve të kryera nga specialistët për Hetimin e Krimeve të Komisariatit të Policisë Durrës, në drejtimin e Prokurorisë, në kuadër të operacionit të koduar “Target”, për zbardhjen dhe dokumentimin e vjedhjeve, u identifikua, u kap dhe u vu në pranga shtetasi:

-D. C., 29 vjeç, banues në Sukth.

Nga hetimet dyshohet se ky shtetas ka vjedhur 3 herë, gjatë periudhës dhjetor 2025-janar 2026, shuma parash, bizhuteri dhe pajisje të ndryshme, në banesën e një shtetaseje italiane, në Fermë Sukth. Gjithashtu, dyshohet se ka vjedhur në 5 banesa të tjera.

Në momentin e ndalimit, gjatë kontrollit fizik, 29-vjeçarit iu gjetën një pistoletë sportive që e mbante pa leje, si dhe një maskë dhe një palë doreza të cilat dyshohet se i përdorte për të kryer vjedhjet.

Vijojnë hetimet për zbardhjen e vjedhjeve të tjera që mund të ketë kryer ky shtetas.

Materialet procedurale iu referuan Prokurorisë së Durrësit, për veprime të mëtejshme, veprat penale “Vjedhja”, kryer më shumë se një herë dhe “Prodhimi dhe mbajtja pa leje e armëve të gjuetisë dhe sportive”. /CNA