LEXO PA REKLAMA!

SHKARKO APP

Garazhe dhe apartament/ Sekuestrohen pasuritë e elbasanasit që kishte "shtëpi bari" në Angli

24 Nëntor 2023, 08:49, Kronika CNA
Garazhe dhe apartament/ Sekuestrohen pasuritë e elbasanasit që kishte
Prokuroria Elbasan

Prokuroria e Elbasanit ka sekuestruar pronat e shtetasit L. C., i dënuar në Mbretërinë e Bashkuar për ‘shtëpi bari’.

Pasuritë e këtij shtetasi dhe personave të lidhur me të janë evidentuar nga Prokuroria si pasuri të pajustifikuara dhe të dyshuara si të vendosura mbi burime kriminale.

Konkretisht janë sekuestruar:

Pasuria me nr.26/198-G.5, e llojit “Garazh”, zk.8525, Elbasan;

Pasuria me nr.26/198-G.6,  e llojit “Garazh”, zk.8525, Elbasan; dhe

Pasuria me nr.26/198+1-26, e llojit “apartament”, zk.8525, Elbasan

Nga hetimet ka rezultuar se:

Personi nën hetim ka kryer aktivitet kriminal, (shtëpi bari) në Mbreterinë e Bashkuar, për të cilën është arrestuar dhe dënuar nga autoritetet angleze.

Personi nën hetim dhe personat e afërt me të, gjatë dhe pas kohës së kryerjes së veprimtarisë, kanë investuar në fitimin e disa pasurive të paluajtshme, të cilat dyshohen se kanë si burim të ardhurat nga aktiviteti i paligjshëm i shtetasit L.C.

Pasuritë e konstatuara janë dukshëm të pajustifikuara nga të ardhurat e ligjshme të personave të lidhur të personit nën hetim L.C.

Gjykata e Shkallës së Parë të juridiksionit të Përgjithshëm Elbasan, me vendimin nr.821 datë 22.11.2023 ka disponuar për pranimin e kërkesës së prokurorit dhe vendosjen e masës së sigurimit pasuror të sekuestros preventive mbi pasuritë e paluajtshme të sipërcituara.

Lajmet e fundit nga