web counter
LEXO PA REKLAMA!

SHKARKO APP

App Store
Google Play

Ekskluzive/ AMP dhe SPAK në operacion, arrestohen oficerë të lartë policie

1 Mars 2025, 21:21, Aktualitet CNA

Ekskluzive/ AMP dhe SPAK në operacion, arrestohen oficerë të

Burime për CNA TV bëjnë me dije se SPAK dhe AMP po zhvillojnë operacion të përbashkët.

Në total janë lëshuar afro 10 masa sigurie të firmosura nga GJKKO, pas kërkesës së SPAK.

Operacioni është shtrirë në disa qytete të vendit, Tiranë, Kukës, Fier, Vlorë, Gjirokastër dhe Sarandë.


Sipas burimeve 4 masa sigurie janë për oficerë të policisë dhe 6 për shtetas të tjerë. Konkretisht janë arrestuar 3 efektivë policie, ndërsa njëri është shpallur në kërkim, tha një bhrim zyrtar per CNA TV. 

Në pranga ka rënë Shkëlzen Ruska, me detyrë shef krimesh në Himarë. Ruska akuzohet për kultivim kanabisi, grup i strukturuar kriminal, shpërdorim detyre dhe kryerja e veprave penale nga organizata kriminale.


Për të njëjtat akuza, në pranga ka rënë edhe shefi i Krimeve në Komisariatin e Lushnjes Ervis Alisinanaj. Këtij të fundit i rëndon edhe akuza e ushtrimi i ndikimit të paligjshëm ndaj personave që ushtrojnë funksione publike.

I shpallur në kërkim është shefi i Komisariatit i Policisë Kufitare në Sarandë, Elvis Dërvishi i akuzuar për “trafikimi i narkotikëve”, “Grup i strukturuar kriminal”, “Kryerja e veprave penale nga organizata kriminale dhe grupi i strukturuar kriminal” dhe “Shpërdorim detyre”.
Erdit Hazizaj është personi i katërt i arrestuar nga AMP. Hazizaj është larguar nga policia në vitin 2022. Ai akuzohet nga SPAK për trafik droge, kultivim i bimëve narkotike, grup i strukturuar, shpërdorim detyre etj.

Sipas burimeve hetimet e SPAK dhe AMP kanë nisur prej disa kohësh për efektivët e arrestuar, pasi në aplikacionet Sky Ecc rezultoi se këta të fundit ishin të përfshirë me banda kriminale në fushën e narkotikëve dhe jo vetëm./ CNA





Lajmet e fundit nga