web counter
LEXO PA REKLAMA!

SHKARKO APP

App Store
Google Play

E fundit!

x

Detaje tronditëse nga vrasja e Klevis Lleshit/ “Qeni solli kafkën dhe kockat e tij”

21 Tetor 2025, 20:25, Kronika CNA

Detaje tronditëse nga vrasja e Klevis Lleshit/ “Qeni solli

Në emisionin "Në Shënjestër" të gazetares Klodiana Lala ajnë zbardhur detaje tronditëse, rrëqethëse rreth vrasjes së Klevis Lleshit në fund të gushtit të vitit 2020.

Një vrasje për të cilën autorët janë gjetur pas 5 vitesh dhe autori që ka kryer krimin për 50 mijë euro.

Në emision janë zbuluiar detaje nga dosja hetimore se si u gjet trupi i Klevis Lleshit disa muaj pas vrasjes në dhjetor të vitti 2020 në një sipërfaqe ullishte në fshatin Shpërdhet të Kurbinit nga efektivët e policisë Kurbin të cilët u lajmëruan nga shtetasi Edmond Kolaveri, që është pronari i ullishtes.

Kolaveri deklaroi në polici se, kafkën dhe disa kocka i ka sjellë qeni i ti, duke bërë që më pas të njoftonte policinë.

Eshtrat të cilat u gjendën pranë përroit, ku më herët kishte pasur një përmbytje, rezultuan të ishin pikërisht të familjarit Klevis Lleshit. Kjo u konfirmua nga analiza e ADN-së, e cila u përputh plotësisht me ato të nënës së Klevis Lleshit.

Nëna e viktimës nuk kishte asnjë dyshim se i biri kishte pasur të njëjtin fat sikurse babai i tij apo edhe të afërm të tjerë të familjes Lleshi, të cilët ose ishin vrarë ose ishin zhdukur në rrethana të paqarta.

Nga ekspertimi biologjik u konkludua se nga krahasimi i profilit gjenetik të përfituar nga një dhëmballë e mbetjeve kockore, paraqet lidhje gjenetike bir e nënë, me profilin gjenetik të shtetases Fatbardha Lleshi, thuhet në emisionin Në Shënjestër.

Por nëna e Klevis Lleshit dhe të afërm të tij, nuk pritën që të gjendeshin eshtrat, për të filluar kërkimet se kush ishin vrasësit e njeriut të tyre të dashur. Ata i nisën hetimet e tyre që ditën që Klevisi u zhduk./ CNA





Lajmet e fundit nga