web counter
LEXO PA REKLAMA!

SHKARKO APP

App Store
Google Play

Nënë e bir ndërruan jetë në Maliq/ Topçiu: Qyteti sot në zi, këto raste duhet të jenë kambana alarmi

20 Tetor 2025, 10:45, Kronika CNA

Nënë e bir ndërruan jetë në Maliq/ Topçiu:

Kryetari i Bashkisë së Maliqit, Gëzim Topçiu, në një reagim për CNA, ka folur mbi tragjedinë e Maliqit, ku ditën e djeshme humbën jetën nënë e bir, si pasojë e zjarrit që përfshiu banesën e tyre.

Topçiu ka shprehur ngushëllimet e tij dhe ka deklaruar mbështetje të plotë për familjen.

Më tej, Topçiu ka thënë se institucioni do të marrë masa shtesë për mbështetjen e familjeve në nevojë.

 

“Një situatë e vështirë jo vetëm për ne si institucion, por për të gjithë qytetarët e Maliqit, të cilët shprehin ngushëllimet për familjen. Shpresojmë që vajza të bëhet mirë, i urojmë shërim të shpejtë dhe patjetër që bashkia do të jetë në mbështetje të familjes me të gjitha mundësitë që ne kemi, për ta mbështetur financiarisht, por jo vetëm. Do të jemi çdo ditë krah kësaj familjeje. Qyteti sot është në zi të plotë. E ngushëlloj familjen, i jap forcë në emër të pushtetit vendor dhe le të shpresojmë që vajza të bëhet mirë.

Të gjitha shpenzimet që kanë të bëjnë me ceremoninë, por jo vetëm, do të mbulohen nga bashkia. Unë do të marr disa nisma të miat personale me bizneset sepse aty do të jetë ndërhyrja më e shpejtë, për të mos pritur procedurat ligjore që ndonjëherë zgjatin shumë. Rasti është i veçantë dhe ne duhet të ndërhyjmë sa të kemi mundësi. Nga informacioni që kam, familja ka qenë pjesë e shërbimit social dhe e qendrës komunitare që ne kemi aty. Nuk besoj që ne nuk mund të kemi pasur ndihmat e nevojshme, rasti është fatkeq. Ne kemi raste të shumta të tilla që i trajtojmë, i mbështesim dhe kështu do të vazhdojmë. Këto raste nuk janë vetëm detyrim ligjor, por duhet të jenë kambana alarmi për të gjitha institucionet. Ky do të jetë rast që do të na japë forcë më shumë për të marrë masa më të rrepta e më të gjera për t'i mbështetur”, deklaroi Topçiu./CNA





Lajmet e fundit nga