web counter
LEXO PA REKLAMA!

SHKARKO APP

App Store
Google Play

Tragjedia në Maliq/ Shefi i zjarrfikëses zbardh detaje: Dy fëmijët i gjetëm jashtë

20 Tetor 2025, 10:19, Kronika CNA

Tragjedia në Maliq/ Shefi i zjarrfikëses zbardh detaje: Dy

Shefi i shërbimit zjarrfikës në Maliq, Sadik Halili, në një prononcim për mediat ka dhënë detaje nga tragjedia e djeshme në Maliq, ku humbën jetën nënë e bir, pas zjarrit të rënë në banesën e tyre.

Halili ka thënë se në momentin që kanë mbërritur nuk kanë gjetur zjarr në banesë, ndërsa dy të miturit i kanë gjetur jashtë shtëpisë.

Sa i përket nënës, shefi i shërbimit zjarrfikës ka thënë se e kanë gjetur të pajetë. Sa i përket gjendjes së fëmijëve, Halili ka thënë se 14-vjeçari, i cili dhe ndërroi jetë, është gjetur i pavetëdijshëm, kurse 6-vjeçarja ishte e vetëdijshme.

 

“Njoftimin e kemi marrë rreth orës 13:30 të datës 19 tetor, nga salla operative e policisë. Menjëherë kemi arritur në vendin e ngjarjes për 1 minutë pasi distanca është e afërt. Kur kemi mbërritur në vendin e ngjarjes zjarr nuk ka pasur brenda në banesë dhe të dy fëmijët, edhe djalin, edhe vajzën, i kemi gjetur përjashtë. Djali ka qenë i pavetëdijshëm, kurse vajza e vetëdijshme dhe te dera e kuzhinës kemi gjetur të asfiksuar nënën e tyre, e cila kishte ndëruar jetë. Njoftuam ambulancën, u dhamë ndihmën e parë, i dërguam në spitalin e Korçës. Për këtë ngjarje është ngritur grupi hetimor, pjesë e të cilit jam edhe unë, për të gjetur shkakun e zjarrit. Për momentin kemi dy versione, brenda në kuzhinë ka qenë soba me dru zjarri e ndezur, ndërsa poshtë në dysheme kemi gjetur disa fije shkrepëse të ndezura. Nuk mund të themi ende pistën përfundimtare”, deklaroi Halili./CNA





Lajmet e fundit nga