web counter
LEXO PA REKLAMA!

SHKARKO APP

App Store
Google Play

E fundit!

x

Qarkullonin me drogë dhe armë të ftohtë me vete/ Arrestohen tre të rinj në Shëngjin

21 Tetor 2025, 16:34, Kronika CNA

Qarkullonin me drogë dhe armë të ftohtë me vete/ Arrestohen

Tre persona janë vënë në pranga në aksin rrugor “Shëngjin-Kune” pasi qarkullonin me automjet me lëndë narkotike me vete dhe armë të ftohtë.

Shtetasit M. M., 19 vjeç, H. I., 18 vjeç, dhe P. G., 26 vjeç tentuan t’i shmangenin kontrollit të policisë por përpjekja e tyre nuk rezultoi me sukses. Ndërkohë bëhet me dije se është proceduar penalisht edhe një 17-vjeçar, i cili ishte drejtuesi i automjetit me të cilin qarkullonin të rinjtë.

Gjatë kontrollit në automjet u gjet dhe u sekuestrua lëndë e dyshuar narkotike kokainë dhe kanabis, si dhe një mjet prerës (thikë). Ndërkohë, gjatë kontrollit në banesën e shtetasit P. G., me precedent penal në fushën e narkotikëve, u gjetën dhe u sekuestruan 60 fishekë për armë zjarri pistoletë.

Njoftimi i policisë:

Shëngjin / Vijojnë kontrollet për evidentimin dhe goditjen e veprimtarive në fushën e narkotikëve dhe të armëmbajtjes pa leje.

Finalizohet operacioni i koduar “Aksi”.

Qarkullonin me automjet me lëndë narkotike me vete dhe armë të ftohtë, tentuan t’i shmangeshin kontrollit të Policisë, por u kapën në flagrancë gjatë ndjekjes, vihen në pranga tre shtetas.

Procedohet penalisht dhe një 17-vjeçar, drejtuesi i automjetit.

Sekuestrohet lëndë narkotike kokainë, kanabis, një armë e ftohtë (thikë), municion luftarak dhe një automjet.

Në vijim të punës për evidentimin dhe goditjen e veprimtarive kriminale në fushën e narkotikëve dhe të armëmbajtjes pa leje, specialistët e Sektorit për Hetimin e Narkotikëve, në bashkëpunim me shërbimet e Forcës së Posaçme “Shqiponja”, kanë organizuar operacionin, si rezultat i të cilit u goditën dy raste të veprimtarive kriminale në këto fusha.

Gjatë operacionit, në aksin rrugor “Shëngjin-Kune”, shërbimet e Policisë, pas ndjekjes për disa minuta, ndaluan automjetin tip “Benz”, me të cilin po qarkullonin katër shtetas.

Gjatë kontrollit në automjet u gjet dhe u sekuestrua lëndë e dyshuar narkotike kokainë dhe kanabis, si dhe një mjet prerës (thikë).

Në vijim, gjatë kontrollit në banesën e shtetasit P. G., me precedent penal në fushën e narkotikëve, u gjetën dhe u sekuestruan 60 fishekë për armë zjarri pistoletë.

Në përfundim të veprimeve procedurale:

U arrestuan në flagrancë shtetasit M. M., 19 vjeç, H. I., 18 vjeç, dhe P. G., 26 vjeç, të tre banues në Shëngjin.

U procedua penalisht 17-vjeçari, i cili drejtonte automjetin pa leje drejtimi në momentin e ndalimit nga Policia.

Vijojnë hetimet për dokumentimin e plotë të veprimtarive kriminale të këtyre shtetasve.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme. /CNA





Lajmet e fundit nga