LEXO PA REKLAMA!

SHKARKO APP

E fundit!

x

Arrestohet për drogë 35-vjeçari në Elbasan

15 Prill 2024, 10:45, Kronika CNA
Arrestohet për drogë 35-vjeçari në Elbasan
Foto ilustruese

Policia ka arrestuar 35-vjeçarin me iniciale S.B. për prodhim dhe shitje të narkotikëve. Ky shtetas është kapur si rezultat i bashkëpunimit me shërbimet e pikës doganore të Kapshticës. 

Njoftimi i Policisë: 

I shpallur në kërkim për veprën penale "Prodhimi dhe shitja e narkotikëve", kapet si rezultat i bashkëpunimit me shërbimet e PKK Kapshticë dhe vihet në pranga 35-vjeçari.

Si rezultat i veprimeve operacionale të kryera intensivisht nga Policia e Elbasanit, në kuadër të megaoperacionit "Tempulli 2", dhe i hetimeve të ndjekura me metoda proaktive, në bashkëpunim me Prokurorinë e Elbasanit, për të nxjerrë përpara përgjegjësisë penale, shtetasit që prodhojnë dhe/ose shesin lëndë narkotike, specialistët e Sektorit për Hetimin e Narkotikëve dhe Trafiqeve të Paligjshme të DVP Elbasan ndaluan shtetasin S. B., 35 vjeç, banues në Gramsh, i shpallur në kërkim në kuadër të megaoperacionit "Tempulli 2", për veprën penale "Prodhimi dhe shitja e narkotikëve".

Ky shtetas është kapur si rezultat i bashkëpunimit me shërbimet e PKK Kapshticë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme./CNA 

Lajmet e fundit nga