LEXO PA REKLAMA!

SHKARKO APP

Arrestimi i Gerti Shehut/ Policia zbardh akuzat ndaj 31-vjeçarit

7 Dhjetor 2022, 15:16, Kronika CNA

Arrestimi i Gerti Shehut/ Policia zbardh akuzat ndaj 31-vjeçarit

Policia e Shtetit ka reaguar zyrtarisht për arrestimin e 31-vjeçarit Gerti Shehu, i cili ditën e djeshme sulmoi kreun e PD-së, Sali Berisha.

Uniformat blu, njoftojnë se mbi 31-vjeçarin rëndojnë akuzat "goditje për shkak të detyrës" dhe "plagosje me dashje."

Njoftimi:

Strukturat e posaçme të Policisë Gjyqësore të Policisë së Shtetit, në bashkëpunim me specialistët e Seksionit për Hetimin e Krimeve ndaj Jetës, të DVP Tiranë, dhe me shërbimet e Komisariatit të Policisë Nr. 1, pas kryerjes së një sërë veprimesh hetimore dhe procedurale, nën drejtimin e Prokurorisë pranë Gjykatës së Rrethit Gjyqësor Tiranë, për ngjarjen e ndodhur më datë 06.12.2022, arrestuan në flagrancë shtetasin:

Gert Shehu, 31 vjeç, banues në Tiranë, për goditje për shkak të detyrës dhe plagosje me dashje.

Nga veprimet hetimore ka rezultuar se ky shtetas ka goditur me grusht në fytyrë, deputetin Sali Berisha, duke i shkaktuar dëmtime fizike, gjatë kohës që ai po lëvizte me këmbë, në bulevardin Zhan D’Ark, në drejtim të vendit ku do të zhvillohej protesta e planifikuar.

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme./CNA.al

Lajmet e fundit nga