web counter
LEXO PA REKLAMA!

SHKARKO APP

App Store
Google Play

E fundit!

x

Aksioni “Territori i pastër”/ Asgjësohen mbi 1 mijë rrënjë kanabis

27 Qershor 2023, 11:40, Kronika CNA

Aksioni “Territori i pastër”/ Asgjësohen mbi 1 mijë

Policia ka njoftuar zbulimin dhe asgjësimin e 1492 rrënjëve kanabis në fshatin Bruz Mali, Njësia Administrative Cudhi.

Përmes një njoftimi zyrtar policia shprehet se zbulimi dhe asgjësimi i 1492 rrënjëve kanabis vjen në sajë të operacionit, "Territor i Pastër", i cili është i shtrirë në 21 faza.

Blutë bëjnë me dije se në 20 fazat e para të operacionit janë asgjësuar 10697 bimë narkotike kanabis.

“Vijojnë kontrollet dhe operacionet për goditjen e veprimtarisë kriminale në fushën e kultivimit të bimëve narkotike.

Finalizohet faza e 21-të e megaoperacionit policor antikanabis të koduar 'Territor i pastër', nga Komisariati i Policisë Nr. 4 dhe Komisariati i Policisë Krujë.

Gjate fazës së 21-të u evidentuan dhe u asgjësuan 1492 bimë të dyshuara narkotike kanabis.

Më parë si rezultat i fazave të mëparshme të këtij operacioni janë asgjësuar 10697 bimë narkotike kanabis.

Gjatë kontrolleve në kuadër të fazës së 21-të të megaopacionit, në kufirin ndarës të territorit të Komisariatit të Policisë Krujë dhe Komisariatit të Policisë Nr. 4, në fshatin Bruz Mali, Njësia Administrative Cudhi, Krujë, nga shërbimet e Policisë, u gjetën dhe u asgjësuan 1492 bimë narkotike të dyshuara cannabis sativa.

Strukturat hetimore në bashkëpunim me Prokurorinë, vijojnë punën për identifikimin dhe kapjen e autorëve”, njofton policia./ CNA





Lajmet e fundit nga