web counter
LEXO PA REKLAMA!

SHKARKO APP

App Store
Google Play

E fundit!

x

2.2 ton drogë bien në duart e policisë/ Goditet rrjeti i trafikantëve, Kolumbi-Ekuador-Shqipëri

12 Qershor 2022, 08:41, Kronika CNA
2.2 ton drogë bien në duart e policisë/ Goditet rrjeti i
Droga e sekuestruar në Peru

Dy shtetas shqiptarë janë shpallur në kërkim nga autoritetet në Peru, si “koka” të trafikut të drogës.

Identiteti i tyre nuk bëhet i ditur ende, por ata u shpallën në kërkim, pas kapjes së 2.2 ton drogë.

Ndërkohë, 7 persona janë vënë në pranga.

Autorët, sipas Policisë në Peru, drejtonin rrjetin e trafikut të drogës, Kolumbi–Shqipëri.

“Është një rrjet me lidhje me Kolumbinë, Ekuadorin dhe Shqipërinë. Ne po koordinojmë me seksionin e Policisë Ndërkombëtare për të lokalizuar dy shtetas shqiptarë që kanë mbërritur në vendin tonë si lehtësues logjistikë dhe koordinim me mafien shqiptare”, tha kreu i hetuesve peruan të drogës, César Echevarría.

"Droga e lëngshme ishte e kamufluar në kanaçe me shparg eksporti që u transportuan në një kamion nga Trujillo (në veri) në Callao, ku u kap të premten", shpjegoi ai.

2.2 ton drogë bien në duart e policisë/ Goditet rrjeti i

Sipas Echevarría, kjo organizatë planifikoi të paguante drogën me monedha virtuale (bitcoin).

Droga do të dërgohej nga porti i Callao-s pranë kryeqytetit peruan Lima në Roterdam në Holandë.

Këtë vit, policia peruane ka sekuestruar rreth 35 ton drogë.

Peruja është një nga prodhuesit më të mëdhenj në botë të kokainës, me rreth 400 tonë në vit, sipas shifrave zyrtare.

Përveç kësaj, ajo është, së bashku me Bolivinë, një nga prodhuesit më të mëdhenj të gjetheve të kokës, lëndë e parë për kokainën, pas Kolumbisë./CNA.al





Lajmet e fundit nga