web counter
LEXO PA REKLAMA!

SHKARKO APP

App Store
Google Play

E fundit!

x

E shkuara e errët e ‘Sanços’ së atentatit/ I akuzuar për vrasje nga pazaret e drogës në Greqi

11 Qershor 2022, 21:38, Kronika CNA
E shkuara e errët e ‘Sanços’ së atentatit/ I
Aleksandër Sadikaj

Zbardhet një tjetër akuzë nga e shkuara e 27-vjeçarit Aleksandër Sadikaj, i njohur ndryshe si Sanço, i cili humbi jetën mesditën e sotme nga një atentat me tritol në makinën ku ai po udhëtonte.

Mësohet se përveçse nga autoritetet shqiptare, Sadikaj ka qenë i piketuar për ngjarje kriminale edhe nga autoritetet greke.

27-vjeçari dyshohet se ka qenë autor i një vrasjeje të ndodhur në shtetin fqinj rreth 6 vite më parë. Vrasja ka ndodhur në Athinë dhe mendohet se shkak ka qenë prishja e pazareve të drogës.

Burime bëjnë me dije se Sadikaj ka qenë i burgosur për rreth tri vite në Greqi.

Ndërkohë, policia shqiptare ka renditur një sërë krimesh të kryera nga Aleksandër Sadikaj në vendin tonë, duke përfshirë këtu vjedhje, sherr me efektivët, plagosje,  tentativë vrasjeje dhe veprimtari kriminale në fushën e narkotikëve.

Më 09.04.2011 është arrestuar në Berat, pasi, së bashku me një person tjetër kanë tentuar të vjedhin në subjektin "AlbTelecom", Berat.

Më 30.04.2011 është shpallur në kërkim nga Komisariati i Policisë Vlorë, pasi Gjykata e Vlorës i ka caktuar masën e sigurisë “Arrest në burg”, për veprën penale “Vjedhja”, kryer në bashkëpunim.

Më 31.05.2017 është shpallur në kërkim nga Komisariati i Policisë Nr.2 Tiranë, pasi Gjykata e Tiranës i ka caktuar masën e sigurisë “Arrest në burg”, për veprën penale “Kundërshtimi i punonjësit të rendit publik”. Më 23.08.2018, Gjykata e Tiranës e ka dënuar me 8 muaj burgim, për këtë vepër.

Më 29.05.2017 është shpallur në kërkim nga Komisariati i Policisë Nr.2 Tiranë për veprat penale “Goditje për shkak të detyrës”, “Mosbindja ndaj urdhrit të punonjësit të policisë së rendit publik” dhe “Kundërshtimi i punonjësit të rendit publik”.

Më 09.07.2019 është shpallur në kërkim nga Komisariati i Policisë Sarandë, pasi në bashkëpunim me një shtetas tjetër, gjatë një konflikti për motive të dobëta, kanë plagosur me thikë shtetasin A. D., duke i shkaktuar dëmtime serioze në trup.

Më datë 30.07.2019, Gjykata e Sarandës i ka caktuar masën e sigurisë “Arrest në burg”, për veprën penale “Vrasja me dashje”, mbetur në tentativë.

Gjithashtu, për këtë shtetas, policia disponon informacione në rrugë operative se kryente veprimtari kriminale edhe në fushën e narkotikëve./ B.A. - CNA.al





Lajmet e fundit nga