web counter
LEXO PA REKLAMA!

SHKARKO APP

App Store
Google Play

E fundit!

x

Vjedhje, sherr me policët, plagosje e tentativë vrasjeje/ Zbardhen krimet e Aleksandër Sadikajt

11 Qershor 2022, 16:14, Kronika CNA
Vjedhje, sherr me policët, plagosje e tentativë vrasjeje/ Zbardhen
Makina e Sadikajt që shpërtheu nga tritoli

Aleksandër Sadikaj, 27-vjeçari që humbi jetën sot nga shpërthimi i makinës me tritol, është një emër jo pak i njohur nga policia.

Sadikaj është shpallur në kërkim disa herë nga blutë për vepra penale të ndryshme, siç janë vjedhja, sherri me efektivët, plagosja, tentativa e vrasjes dhe veprimtaria kriminale në fushën e narkotikëve.

Raportohet se aktualisht Sadikaj nuk ishte në kërkim nga strukturat e policisë.

Veprat penale që rëndojnë mbi 27-vjeçarin:

Më 09.04.2011 është arrestuar në Berat, pasi, së bashku me një person tjetër kanë tentuar të vjedhin në subjektin AlbTelecom-Berat;

Më 30.04.2011 është shpallur në kërkim nga Komisariati i Policisë Vlorë, pasi Gjykata e Vlorës i ka caktuar masën e sigurisë “Arrest në burg”, për veprën penale “Vjedhja”, kryer në bashkëpunim;

Më 31.05.2017 është shpallur në kërkim nga Komisariati i Policisë Nr.2 Tiranë, pasi Gjykata e Tiranës i ka caktuar masën e sigurisë “Arrest në burg”, për veprën penale “Kundërshtimi i punonjësit të rendit publik”. Më 23.08.2018, Gjykata e Tiranës e ka dënuar me 8 muaj burgim, për këtë vepër;

Më 29.05.2017 është shpallur në kërkim nga Komisariati i Policisë Nr.2 Tiranë për veprat penale “Goditje për shkak të detyrës”, “Mosbindja ndaj urdhrit të punonjësit të policisë së rendit publik” dhe “Kundërshtimi i punonjësit të rendit publik”;

Më 09.07.2019 është shpallur në kërkim nga Komisariati i Policisë Sarandë, pasi në bashkëpunim me një shtetas tjetër, gjatë një konflikti për motive të dobëta, kanë plagosur me thikë shtetasin A. D., duke i shkaktuar dëmtime serioze në trup;

Më datë 30.07.2019, Gjykata e Sarandës i ka caktuar masën e sigurisë “Arrest në burg”, për veprën penale “Vrasja me dashje”, mbetur në tentativë.

Gjithashtu, për këtë shtetas, disponohen informacione në rrugë operative se kryente veprimtari kriminale edhe në fushën e narkotikëve./ B.A. - CNA.al

Vjedhje, sherr me policët, plagosje e tentativë vrasjeje/ Zbardhen





Lajmet e fundit nga