web counter
LEXO PA REKLAMA!

SHKARKO APP

App Store
Google Play

E fundit!

x

Zvicra merr kryesimin e OSBE-së për herë të tretë

1 Janar 2026, 15:23, Kosova & Bota CNA

Zvicra merr kryesimin e OSBE-së për herë të tretë

Zvicra ka marrë sot kryesimin e Organizatës për Siguri dhe Bashkëpunim në Europë (OSBE), duke u bërë shteti i parë që udhëheq këtë organizatë tri herë, pas mandateve të saj në 1996 dhe 2014. Ky kryesim është pjesë e angazhimit të vazhdueshëm të Zvicrës për paqen, sigurinë dhe stabilitetin në Europë dhe më gjerë.

Për këtë mandat, Zvicra ka përcaktuar pesë prioritete kryesore: respektimi i Parimeve të Helsinkit për një paqe të qëndrueshme; diplomacisë gjithëpërfshirëse dhe multilaterale; parashikimin e zhvillimeve teknologjike për një të ardhme të sigurt dhe humane; demokracinë, sundimin e ligjit dhe të drejtat e njeriut; dhe aftësinë e OSBE-së për të vepruar.

"Përballë luftës në Europë, Zvicra është e angazhuar për një paqe të drejtë në Ukrainë, bazuar në ligjin ndërkombëtar dhe në parimet e Helsinkit. Do të përdorim përvojën tonë në ndërmjetësim për të promovuar dialogun, besimin dhe sigurinë. E kuptojmë se pavarësisht tensioneve, OSBE mbetet e pazëvendësueshme. Ne do të veprojmë me bindjen se kur diplomacia duket e pamundur, ajo bëhet më e domosdoshme",-deklaroi Ministri zviceran i Jashtëm, Ignazio Cassis, kryesuesi i ri i OSBE-së.

Zvicra do të mbështesë operacionet në terren dhe misionet e vëzhgimit të zgjedhjeve, duke siguruar që demokracia, sundimi i ligjit dhe të drejtat e njeriut të qëndrojnë në qendër të sigurisë evropiane.

Kryesimi zviceran do të përqendrohet gjithashtu në angazhimin e drejtpërdrejtë me shtetet dhe rajonet kyçe të OSBE-së, me Ministrin Cassis që do të vizitojë disa zona prioritare./CNA 





Lajmet e fundit nga