web counter
LEXO PA REKLAMA!

SHKARKO APP

App Store
Google Play

Vritet një 60-vjeçare në Kosovë/ Autori i dyshuar, djali i saj

21 Janar 2026, 11:30, Kosova & Bota CNA

 Vritet një 60-vjeçare në Kosovë/ Autori i dyshuar, djali i

Një vrasje ka ndodhur në orët e para të ditës së sotme në Dragash të Kosovës. Sipas njoftimit të policisë, dyshohet se një 30-vjeçar ka vrarë nënën e tij, 60 vjeçe.

Referuar informacioneve paraprake, autori i dyshuar ka pasur probleme të shëndetit mendor. Ai është arrestuar nga policia, ndërsa mjeti me të cilin dyshohet se ka kryer krimin nuk është gjetur ende. Policia po punon për zbardhjen e plotë të rrethanave të ngjarjes.

Njoftimi i policisë:

Me datën 21.01.2025, rreth orës 01:06, Policia është njoftuar për një rast të vdekjes së dyshimtë në fshatin Restelicë, Komuna e Dragashit. Sipas informatave fillestare, dyshohet se një person mashkull, rreth 30 vjeçar, e ka privuar nga jeta nënën e tij, rreth 60 vjeçare. I dyshuari, sipas të dhënave paraprake, ka pasur probleme të shëndetit mendor.

Nga ekzaminimi fillestar në vendin e ngjarjes, nuk është vërejtur mjeti me të cilin dyshohet se është kryer vepra penale, ndërsa viktima ka pësuar disa lëndime në regjionin e kokës.

I dyshuari është arrestuar nga Policia dhe është ndaluar për procedura të mëtejme ligjore. Sektori Rajonal i Hetimeve, në bashkërendim me Prokurorin e Shtetit, është duke ndërmarrë të gjitha veprimet hetimore të nevojshme me qëllim të zbardhjes së plotë të rrethanave të këtij rasti. /CNA





Lajmet e fundit nga