E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Votimi në ambasada dhe konsullata jashtë Kosovës/ Sa qytetarë kanë votuar deri në orën 09:00

27 Dhjetor 2025, 10:45, Kosova & Bota CNA

Votimi në ambasada dhe konsullata jashtë Kosovës/ Sa

Qytetarët e Kosovës që jetojnë jashtë vendit i janë drejtuar sot qendrave të votimit në ambasada dhe konsullatat përkatëse për të hedhur votën e tyre për zgjedhjet e parakohshme.

Në një dalje për mediat, zëdhënësi i KQZ-së, Valmir Elezi bëri më dije se ka filluar procesi i votimit në 25 përfaqësi diplomatike. Ai njoftoi se nga 19 mijë e 187 votues, deri në orën 09:00 kanë votuar 1 659 prej tyre.

“Numri i përgjithshëm i shtetaseve të Kosovës për të votuar në 29 përfaqësi diplomatike të Kosovës është 19 mijë e 187 votues. Vetëm votuesit e regjistruar në përfaqësi diplomatike do të mund të votojnë gjatë ditës së sotme pasi në listën votuese që janë dërguar në këto përfaqësi janë vetëm emrat e shtetase që kanë zgjedhur këtë mënyrë të votimit”, është shprehur ai.

Elezi ndau po ashtu detaje lidhur me kohën kur ka nisur procesi i votimit në përfaqësi diplomatike.

“Procesi i votimit në ora 05:00 sipas kohës lokale në Kosovë ka filluar në konsullatën e Republikës së Kosovës në Stamboll. Ndërsa në ora 07:00 po ashtu sipas kohës lokale në Kosovë votimi ka filluar edhe në 24 përfaqësi diplomatike që ndodhen në Evropë”, tha Elezi.

Pak më herët Komisioni Qendror i Zgjedhjeve në Kosovë njoftoi se qyetarët në përfaqësitë diplomatike mund të votojnë me letërnjoftim, pasaportë ose patentë të Republikës së Kosovës. Ndërkohë sipas vendimit të KQZ-së, do të lejohen edhe dokumentet me afat të skaduar.

Zgjedhjet e parakohshme/ Qytetarët e Kosovës votojnë sot në përfaqësitë diplomatike
27 Dhjetor, 09:15

2,076,290 persona me të drejtë vote janë regjistruar për zgjedhje, ndërsa brenda territorit të Kosovës, do të jenë 948 qendra votimi me 2,614 vendvotime. Për këto zgjedhje janë certifikuar gjithsej 22 subjekte politike, ku përfshihen 18 parti, 3 koalicione parazgjedhore, 2 iniciativa qytetare dhe një kandidat të pavarur. Komisioni gjithashtu ka akredituar rreth 860 vëzhgues vendorë dhe ndërkombëtarë për të monitoruar procesin. Kujtojmë se nesër në Kosovë procesi i votimi nis në orën 07:00 dhe përfundon në orën 19:00. /CNA