web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 28 dhjetorit në Kosovë/ Rreth 100 prokurorë të angazhuar për monitorimin e procesit

26 Dhjetor 2025, 13:41, Kosova & Bota CNA

Zgjedhjet e 28 dhjetorit në Kosovë/ Rreth 100 prokurorë të

Kosova do të zhvillojë zgjedhjet parlamentare këtë të dielë. Lidhu me këtë Prokurori i Shtetit ka njoftuar se ka bërë të gjitha përgatitjet për mbrojtjen e votës së lirë të qytetarëve, duke garantuar integritetin e procesit zgjedhor.

Në njoftimin e publikuar thuhet se në këto zgjedhje janë angazhuar së bashku rreth 100 prokurorë të shtetit dhe zyrtarë të sistemit prokurorial, të cilët do të vëzhgojnë të gjithë procesin për të evidentuar ndonjë parregullsi.

Njoftimi i plotë:

Prishtinë, 26 dhjetor 2025 - Zyra e Kryeprokurorit të Shtetit njofton opinionin publik se për zgjedhjet për Kuvendin e Republikës së Kosovës, të cilat do të mbahen të dielën më 28 dhjetor 2025, Prokurori i Shtetit ka bërë të gjitha përgatitjet e nevojshme për të realizuar mbrojtjen e votës së lirë të qytetarëve, duke garantuar integritetin e procesit zgjedhor.

Në këto zgjedhje janë angazhuar së bashku rreth 100 prokurorë të shtetit dhe zyrtarë të sistemit prokurorial, të cilët do të qëndrojnë kujdestarë në gjithë territorin e Republikës së Kosovës, deri në përfundim të procesit zgjedhor, me qëllim të procedimit të çdo parregullsie që mund të ndodhë në këto zgjedhje.

Prokurori i Shtetit i fton qytetarët e Republikës së Kosovës, të gjitha subjektet politike, institucionet apo organizatat e ndryshme, që të denoncojnë tek prokuroritë përkatëse, çdo rast, për të cilin kanë dyshime se po keqpërdoret ose manipulohet vota në çfarëdo mënyre dhe nga kushdo qoftë.

Në zgjedhjet e së dielës, të drejtën e votës do të mund ta ushtrojnë mbi dy milionë shtetas të Kosovës. Gjithashtu, në zgjedhje do të marrin pjesë 24 subjekte politike me gjithsej 1.180 kandidatë. /CNA





Lajmet e fundit nga