web counter
LEXO PA REKLAMA!

SHKARKO APP

App Store
Google Play

E fundit!

x

Dëshmi amerikane për raketa hipersonike ruse në Bjellorusi

26 Dhjetor 2025, 21:48, Kosova & Bota CNA

Dëshmi amerikane për raketa hipersonike ruse në Bjellorusi

Rusia mund të jetë duke zhvilluar raketa balistike hipersonike të afta të mbajnë koka bërthamore në një ish-bazë ajrore në Bjellorusinë lindore.

Kështu kanë arritur në përfundim dy studiues amerikanë pas analizimit të imazheve satelitore, një zhvillim që mund të rrisë ndjeshëm aftësinë e Moskës për të goditur objektiva në të gjithë Europën.

Vlerësimi i tyre përputhet gjerësisht me gjetjet e inteligjencës amerikane, sipas një personi të njohur me çështjen që foli me Reuters në kushte anonimiteti.

Presidenti rus Vladimir Putin e ka bërë të qartë qëllimin e tij për të vendosur raketa Oreshnik me rreze të mesme veprimi në Bjellorusi, me një rreze veprimi të vlerësuar deri në 5,500 km. Megjithatë, vendndodhja e saktë e vendosjes së tyre nuk është ditur deri më tani.

Sipas disa ekspertëve, vendosja e Oreshnik tregon zgjedhjen e Kremlinit për kërcënimin e armëve bërthamore, si pjesë e përpjekjeve të tij për të parandaluar vendet anëtare të NATO-s nga furnizimi i Kievit me sisteme armësh të afta për të goditur thellë në territorin rus.

Ambasada ruse në Uashington nuk iu përgjigj menjëherë një kërkese për koment, ndërsa ambasada bjelloruse refuzoi të komentonte. Agjencia shtetërore e lajmeve Belta raportoi, duke cituar Ministrin bjellorus të Mbrojtjes Viktor Khrenin, se vendosja e Oreshnikëve nuk e ndryshon ekuilibrin e pushtetit në Evropë dhe është një përgjigje ndaj veprimeve agresive të Perëndimit.

Shtëpia e Bardhë nuk iu përgjigj menjëherë një kërkese për koment, ndërsa CIA refuzoi të komentonte, siç shkruan Reuters. 





Lajmet e fundit nga