web counter
LEXO PA REKLAMA!

SHKARKO APP

App Store
Google Play

E fundit!

x

Vendimi për zgjerimin e pushtimit në Gaza/ Katz: Jemi grusht i fortë dhe i bashkuar, do godasim armiqtë

8 Gusht 2025, 22:28, Kosova & Bota CNA

Vendimi për zgjerimin e pushtimit në Gaza/ Katz: Jemi grusht i

Izraeli ka reaguar ashpër ndaj kritikave të udhëheqësve botërorë, pasi Kabineti i Sigurisë miratoi një plan për të marrë kontrollin e Qytetit të Gazës.

Ministri i Mbrojtjes, Israel Katz, tha se vendet që dënojnë Izraelin dhe kërcënojnë me sanksione nuk do ta dobësojnë vendosmërinë e tyre.

“Armiqtë tanë do të na gjejnë si një grusht të fortë dhe të bashkuar që do t’i godasë me forcë të madhe”, shtoi ai.

Vendimi i Izraelit për të zgjeruar luftën e tij në Gaza shkaktoi dënim nga OKB-ja dhe disa vende, përfshirë Mbretërinë e Bashkuar, Francën dhe Kanadanë, dhe e shtyu Gjermaninë të ndalonte eksportet ushtarake në Izrael.

Mediat izraelite raportojnë se plani përqendrohet në marrjen e kontrollit të plotë të qytetit të Gazës, duke zhvendosur rreth një milion banorë të tij më në jug. Forcat gjithashtu do të marrin kontrollin e kampeve të refugjatëve në Gazën qendrore dhe zonave ku mendohet se mbahen pengje.

Një ofensivë e dytë do të pasonte disa javë më vonë, paralelisht me një rritje të ndihmës humanitare, thonë mediat.

Hamasi ka thënë se plani për të pushtuar qytetin e Gazës përbën një krim të ri lufte dhe do t'i kushtojë shtrenjtë Izraelit

Duke reaguar ndaj vendimit të Izraelit, shefi i të drejtave të njeriut i OKB-së, Volker Turk, paralajmëroi se përshkallëzimi i mëtejshëm "do të rezultojë në zhvendosje më masive të detyruara, më shumë vrasje, më shumë vuajtje të padurueshme, shkatërrim të pakuptimtë dhe krime mizore".

Kryeministri i Mbretërisë së Bashkuar, Sir Keir Starmer, e quajti këtë veprim të gabuar", duke thënë se vetëm do të sjellë më shumë gjakderdhje.

Ministrja e Jashtme e Australisë, Penny Wong, i kërkoi Izraelit "të mos ndjekë këtë rrugë", duke theksuar se kjo vetëm do ta përkeqësonte katastrofën humanitare në Gaza.

Ministria e Jashtme e Turqisë i bëri thirrje komunitetit botëror të parandalojë planin e Izraelit, i cili, sipas saj, synonte "zhvendosjen me forcë të palestinezëve nga toka e tyre".

Në Kinë, një zëdhënës i ministrisë së jashtme i tha agjencisë së lajmeve AFP se Gaza i përket popullit palestinez dhe është një pjesë e pandashme e territorit palestinez.

Netanyahu i tha kancelarit gjerman Friedrich Merz se ishte i zhgënjyer me vendimin e Berlinit për të pezulluar eksportet e armëve në Izrael, duke thënë se kjo po shpërblente terrorizmin e Hamasit./BBC





Lajmet e fundit nga