web counter
LEXO PA REKLAMA!

SHKARKO APP

App Store
Google Play

Vendimi i GJK për pezullimin e dekretit të Osmanit/ Reagon qeveria e Kosovës

9 Mars 2026, 22:49, Kosova & Bota CNA

Vendimi i GJK për pezullimin e dekretit të Osmanit/ Reagon qeveria e

Qeveria e Kosovës ka dalë me një reagim lidhur me vendimin e Gjykatës Kushtetuese për vendosjen e masës së përkohshme ndaj dekretit të presidentes Vjosa Osmani.

Në reagim thuhet se krijon hapësirën që çështja të trajtohet në mënyrë të plotë nga Gjykata Kushtetuese, në përputhje me rendin kushtetues dhe parimet e funksionimit demokratik të institucioneve. Më tej thuhet se qeveria pret që vendimi i Kushtetueses të japë qartësi të plotë mbi çështjen.

Reagimi i plotë:

Vendimi i Gjykatës Kushtetuese për vendosjen e masës së përkohshme lidhur me Dekretin për shpërndarjen e Kuvendit pezullon zbatimin e këtij dekreti deri në shqyrtimin në merita të çështjes.

Ky vendim krijon hapësirën që çështja të trajtohet në mënyrë të plotë nga Gjykata Kushtetuese, në përputhje me rendin kushtetues dhe parimet e funksionimit demokratik të institucioneve.

Për tre javë jemi në gjendje pritjeje ndërkohë që një sërë marrëveshjesh dhe vendimesh me rëndësi për qytetarët vazhdojnë të mbeten pa miratimin e Kuvendit.

Qeveria pret që vendimi përfundimtar i Gjykatës Kushtetuese të japë qartësi të plotë mbi këtë çështje dhe të përcaktojë standardin kushtetues që në të ardhmen institucionet dhe qytetarët mos të përballen me këto pengesa serioze. /CNA





Lajmet e fundit nga