web counter
LEXO PA REKLAMA!

SHKARKO APP

App Store
Google Play

Vendimi për shpërndarjen e parlamentit të Kosovës/ Vjosa Osmani tregon arsyet

9 Mars 2026, 21:46, Kosova & Bota CNA

Vendimi për shpërndarjen e parlamentit të Kosovës/ Vjosa

Presidentja e Kosovës, Vjosa Osmani ka folur mrbëmjen e sotme lidhur me vendimin për shpërndarjen e parlamentit pas moszgjedhjes brenda afateve kushtetuese të presidentit të ri të vendit.

Në një intervistë për “Çim Peka Live” në Syri Tv, Osmani tha se ai vendim nuk ka ardhur nga interesi personal, por sipas saj ishte formalizim i një pasoje të shkaktuar nga Kuvendi. Ajo shton se nxerrja e një dekreti të tillë nuk ishte në interesin e saj.

“Arsyeja e vetme pse unë kam dalur në mëngjes ka qenë sepse ne kemi pasur të paralajmëruar vizitën në familjen Jashari dhe është dashur që të nisem nga Prishtina në orën 9:00 të mëngjesit, prandaj edhe kam dalë në konferencë rreth orës 8:45, sepse pastaj gjatë tërë ditës unë nuk do të kisha mundësi që të shpalos para popullit të Kosovës arsyet e këtij vendimi, i cili po e përsëris, nuk ka qenë i imi.

Është thjesht pasojë, është thjesht formalizim i një pasoje që e ka shkaktuar fatkeqësisht Kuvendi. Dhe kemi ardhur në fakt në këtë situatë pa asnjë nevojë. Unë jam e bindur që kjo do të tejkalohej, por megjithatë tash jemi në një situatë krejtësisht tjetër. Por ju e thatë me të drejtë. Në qoftë se vërtet do ta bëja një akt të tillë nga interesi personal, mua shumë më shumë do të më përshtatej sikur t'i kisha 60 ditë shtesë për të biseduar sërish me partitë politike duke filluar nga partia më e madhe, apo të shtyheshin zgjedhjet pafundësisht që unë, në qoftë se e kisha pasur për qëllim të marr pjesë në proces zgjedhor, të kisha kohë të përgatitesha, të ndërtoja struktura.

Pra, në asnjë mënyrë mua nuk më është përshtatur një proces zgjedhor në këtë moment. Njeriu i fundit të cilit do t'i shkonte në interes personal një dekret i tillë, jam unë. Dhe cilido që mendon me kokë të ftohtë, cilido që mendon racionalisht, do ta kuptojë kështu”, është shprehur Osmani. /CNA

 





Lajmet e fundit nga