web counter
LEXO PA REKLAMA!

SHKARKO APP

App Store
Google Play

"Ushtria jonë as nuk ka filluar të shkatërrojë atë që ka mbetur në Iran"/ Trump: Urat, pastaj termocentralet

3 Prill 2026, 07:26, Kosova & Bota CNA

"Ushtria jonë as nuk ka filluar të shkatërrojë atë

Presidenti amerikan, Donald Trump, ka paralajmëruar për një përshkallëzim të mundshëm të veprimeve ushtarake ndaj Iranit, duke deklaruar se forcat amerikane “as nuk kanë filluar ende të shkatërrojnë atë që ka mbetur” në territorin iranian.

Në një reagim të publikuar në platformën Truth Social, Trump vlerësoi ushtrinë amerikane si “më të madhen dhe më të fuqishmen në botë”, ndërsa la të kuptohet se objektivat e radhës mund të jenë infrastruktura kritike, përfshirë urat dhe më pas termocentralet.

Deklaratat e tij vijnë në një moment tensionesh të larta, pas një sulmi ajror në qytetin Karaj, në perëndim të kryeqytetit Teheran. Sipas raportimeve, një urë në ndërtim e sipër u godit, duke shkaktuar të paktën tetë viktima dhe rreth 100 të plagosur. Në mesazhin e tij, Trump iu drejtua gjithashtu udhëheqjes iraniane, duke theksuar se ajo “e di se çfarë duhet bërë” dhe se veprimet duhet të ndërmerren “shpejt”.

 

“Ushtria jonë, më e madhja dhe më e fuqishmja (deri tani!) kudo në botë, as nuk ka filluar të shkatërrojë atë që ka mbetur në Iran. Urat e radhës, pastaj termocentralet! Udhëheqja e re e regjimit e di se çfarë duhet bërë, dhe duhet bërë, SHPEJT!”, shkroi ai.





Lajmet e fundit nga