web counter
LEXO PA REKLAMA!

SHKARKO APP

App Store
Google Play

Trazirat në Brazil/ Presidenti urdhëron ndërhyrjen e forcave federale: Protestuesit janë fashistë

8 Janar 2023, 23:06, Kosova & Bota CNA
Trazirat në Brazil/ Presidenti urdhëron ndërhyrjen e forcave
Presidenti i Brazilit, Luiz Inacio Lula da Silva

Mbështetësit e ish-presidentit brazilian, Jair Bolsonaro shkelën barrierat e sigurisë të vendosura nga Forcat e Armatosura të dielën dhe hynë në ndërtesën e Kongresit të vendit, Gjykatën e Lartë dhe Pallatin Presidencial Planalto.

Pas tensioneve të shkaktuara nga këto protesta, ka ardhur edhe reagimi i presidentit Luiz Inacio Lula da Silva.

Ky i fundit i përshkroi ngjarjet që po ndodhin në Brasilia si "barbare" dhe i quajti protestuesit "fashistë".

“Këta njerëz janë gjithçka që është e neveritshme në politikë, për të pushtuar selinë e qeverisë, selinë e Kongresit dhe selinë e Gjykatës së Lartë si fashistë të vërtetë, duke shkatërruar gjithçka në rrugën e tyre”, u shpreh ai, raporton CNN.

Lula da Silva tha gjithashtu se kishte një “mungesë sigurie” dhe paralajmëroi se “të gjithë njerëzit që krijuan trazira do të ndëshkohen”.

Presidenti i Brazilit urdhëroi forcat federale të ndërhyjnë për të rivendosur rendin në kryeqytet. Gjithashtu, ai kërkoi mbylljen e qendrës së Brazilias, përfshirë këtu edhe rrugën kryesore ku ndodhen ndërtesat administrative dhe qeveritare për 24 orë.

Reagimi i tij për trazirat erdhi me anë të një konference për shtyp, që ai mbajti në Sao Paulo, ku ka vizituar disa zona të përmbytura.

Nërkohë, kujtojmë se protestuesit, mbështetës të Bolsonaros, refuzojnë të pranojnë se ish-presidenti humbi zgjedhjet dhe kërkojnë që Luiz Inacio Lula da Silva të japë dorëheqjen./ B.A. – CNA.al





Lajmet e fundit nga