LEXO PA REKLAMA!

SHKARKO APP

App Store
Google Play

E fundit!

x

Situata në Veri/ Policia: Kanë ndodhur katër sulme me armë zjarri

1 Gusht 2022, 11:05, Kosova & Bota CNA

Situata në Veri/ Policia: Kanë ndodhur katër sulme me armë

Policia e Kosovës ka dhënë detaje mbi situatën në veri të vendit.

Me anë të njoftimit për mediat, Policia thotë se vazhdojnë të jenë të bllokuara dy pikat kufitare Jarinje dhe Bërnjak.

Sipas Policisë, në katër raste ka pasur të shtëna me armë zjarri në drejtim të njësiteve policore si dhe në një rast është dëgjuar të ketë ndodhur një detonim. Fatmirësisht nuk raportohet për ndonjë qytetar apo zyrtar policor të plagosur nga arma e zjarrit.

“Dy pikat kufitare Jarinje dhe Bernjak vazhdojnë të mbesin të mbyllura për qarkullim, për shkak të vazhdimit të bllokimit të rrugëve në drejtim të këtyre dy pikë kalimeve kufitare, të cilat janë bërë me mjete të rënda nga persona/grupe të organizuara kriminale.

Deri më tani janë raportuar katër raste ku qytetarët shqiptarë, të cilët kanë qarkulluar në atë pjesë janë ndaluar dhe maltretuar, duke iu shkaktuar lëndime dhe shkaktim të dëmeve materiale në automjetet e tyre, nga ana e personave të dyshuar të cilët dyshohet se janë pjesë e organizimeve të bllokimit të rrugëve”, thuhet në njoftim.

Policia e Kosovës ka nënvizuar se të gjitha veprimet e mëtejme do t'i ndërmarrë në bashkëpunim dhe koordinim me organet e drejtësisë, dhe se sipas detyrës zyrtare dhe autorizimeve ligjore po vazhdon angazhimet e saj në ofrimin e sigurisë, ruajtjen e rendit dhe sigurisë publike, zbatimin e vendimeve të institucioneve të RKS-së, si dhe ndërmarrjen e masave policore konform situatës dhe zhvillimeve në Veri të Mitrovicës./CNA.al

Lajmet e fundit nga